قر توتەنشە جاعدايلار ءمينيسترى يۋري يلين قاراعاندى وبلىسىنىڭ اباي شاحتاسىنداعى توتەنشە وقيعا بويىنشا قۇرىلعان ۇكىمەتتىك كوميسسيا جۇمىسىنىڭ قورىتىندىسىن تانىستىردى, دەپ حابارلايدى Egemen.kz.
قاراعاندى وبلىسىنان ونلاين بريفينگكە شىققان مينيستر يۋري يلين اباي شاحتاسىنداعى توتەنشە وقيعا بويىنشا قۇرىلعان ۇكىمەتتىك كوميسسيا جۇمىسىنا رەسەي مەن گەرمانيادان ساراپشىلار تارتىلعانىن ايتتى.
«اپات كەزىندە قايتىس بولعان جۇمىسشىلاردىڭ كىنالىلىك دارەجەسىن كوميسسيا 0 پايىز دەپ بەكىتتى. ياعني, شاحتادا قايتىس بولعان جانە زارداپ شەككەن جۇمىسشىلاردىڭ كىناسى دالەلدەنگەن جوق. جۇمىس بەرۋشىنىڭ كىناسىنە كەلسەك, «ارسەلور ميتتالس» تاراپىنىڭ 100 پايىز دەپ تانىلدى», دەگەن ۆەدومستۆو باسشىسى كاسىپورىننىڭ قاۋىپسىزدىك شارالارىنا تالايدان بەرى كوز جۇمىپ كەلگەنىن قاداپ ايتتى.
«اپاتتىڭ الدىن الۋى مۇمكىن شارالار وسى كەزەڭدە عانا ەمەس, وسىدان بۇرىن دا اتقارىلۋى كەرەك بولعان. بىراق ورىندالماعان. بەلگىلى ءبىر مەرزىم ارالىعىندا وسىنداي شارا قابىلدانباۋى دا وسى جاعدايعا تۇرتكى بولۋى مۇمكىن», دەدى مينيستر ونلاين بريفينگتە.
ەسكە سالساق, 7 قاراشا كۇنى قارعاندى وبلىسىنىڭ اباي شاحتاسىنداعى توتەنشە جاعدايدان بىرنەشە كەنشى قازا تاپقان بولاتىن.