قازاقستانداعى ادام قۇقىقتارى جونىندەگى ۋاكىل ا.شاكىروۆ قازاقستانعا ساپارمەن كەلگەن شري-لانكا پرەزيدەنتىنىڭ ارنايى ەلشىسى – مينيستر نيمال سيريپال دە سيلۆامەن كەزدەستى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.
كەزدەسۋ بارىسىندا كەڭ اۋقىمدى قۇقىق قورعاۋ ماسەلەلەرى بويىنشا, اتاپ ايتقاندا, گۋمانيتارلىق ىنتىماقتاستىق, ەڭ باستىسى, 2013 جىلدان باستاپ قازاقستان مۇشە بولىپ كەلە جاتقان بۇۇ ادام قۇقىقتارى جونىندەگى كەڭەسى اياسىنداعى ىنتىماقتاستىق تۋرالى وي-پىكىرلەرمەن الماستى.
ومبۋدسمەن قوناقتى «قازاقستان-2050» ستراتەگياسىنىڭ ورىندالۋى باعىتىنداعى جۇمىستارمەن تانىستىرىپ, ۇلتتىق قۇقىق قورعاۋ مەكەمەسىنىڭ قىزمەتى تۋرالى حاباردار ەتتى.
ءوز كەزەگىندە ن. دە سيلۆا شري-لانكاعا قاتىستى 2013 جىلى جوعارىدا اتالعان بۇۇ كەڭەسى قابىلداعان قاراردى ورىنداۋ شەڭبەرىندە اتالعان ەلدەگى جاعداي تۋرالى ايتىپ بەردى.
كەزدەسۋ قورىتىندىسى بويىنشا گۋمانيتارلىق سالاداعى بايلانىستاردى جالعاستىرۋ تۋرالى ورتاق نيەت ءبىلدىرىلدى.