كەشە پرەمەر-مينيستر سەرىك احمەتوۆتىڭ قاتىسۋىمەن «سامۇرىق-قازىنا» اق كومپانيالار توبىنىڭ كەڭەيتىلگەن القا ءماجىلىسى ءوتتى. وندا قوردىڭ 2013 جىلعى قىزمەتى قورىتىندىلانىپ, وسى جىلعى باسىم مىندەتتەر انىقتالدى.
«سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامى باسقارماسىنىڭ توراعاسى ومىرزاق شوكەەۆ: «بيىلعى جىلى ءبىز «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى پرەزيدەنت جولداۋىنداعى تاپسىرمالاردى ءىس جۇزىنە اسىرىپ, حولدينگتىڭ الدىنا قويىلعان ماقساتتاردى تولىقتاي ورىنداۋدى مىندەتىمىزگە الامىز», دەپ باستادى ءسوزىن. ءسويتىپ, مەملەكەت باسشىسىنىڭ جەكەشەلەندىرۋدىڭ كەشەندى جوسپارىن دايىنداۋ تۋرالى تاپسىرماسىن ورىنداۋ ماقساتىندا, قور 2014 جىلدىڭ ءى توقسانىندا جەكە سەكتورعا شىعارىلاتىن كومپانيالار ءتىزىمىن ۇكىمەتكە ۇسىناتىنىن ايتتى. قازىرگى ۋاقىتتىڭ وزىندە قور اتالعان تىزىمگە 80-نەن استام كومپانيانى ەنگىزىپ ۇلگەرىپتى.
قور ەنشىلەس, باعىنىشتى كومپانيالارداعى اكتسيالاردى شىعارۋ بارىسىندا ستراتەگيالىق جانە پورتفەلدىك ينۆەستورلاردى تارتىپ, ولاردى قارجى نارىعىنا شىعارۋدى كوزدەپ وتىر. بۇل «حالىقتىق IPO» باعدارلاماسىنا دا قاتىستى. قور ۇكىمەتپەن بىرلەسە وتىرىپ, ءبىر ايدىڭ ىشىندە «حالىقتىق IPO» باعدارلاماسىن ودان ءارى جۇزەگە اسىرۋ بويىنشا ناقتى ۇسىنىستار ەنگىزەتىن بولادى. سونداي-اق, قور توبىنىڭ قۇزىرىنان بەيىندى ەمەس اكتيۆتەر مەن نىسانداردى شىعارۋدى اياقتايمىز.
«2014-2015 جىلدارى 75 اكتيۆ پەن نىساندى شىعارۋ جوسپارلانىپ وتىر. جالپى العاندا, بەيىندى ەمەس اكتيۆ پەن نىسانداردى شىعارۋ 5,7 ملرد. تەڭگە كولەمىندەگى شىعىننان ارىلۋعا مۇمكىندىك بەرەدى. سونىمەن قوسا, كومپانيالارداعى تاعى 156 بەيىندى ەمەس اكتيۆتەردى ساقتاۋ ءجونى قايتا قارالاتىن بولادى, دەدى ءو.شوكەەۆ.
بۇل كۇندە قوردا ءبىرتالاي جاقسى وزگەرىستەر بار كورىنەدى. ماسەلەن, بۇرىن قور مەملەكەتتەن بەرىلگەن اكتيۆتەرگە تەك اكىمشى بولىپ كەلسە, ەندى بەلسەندى ينۆەستورعا اينالۋى ءتيىس ەكەن. «حالىقارالىق تاجىريبە كورسەتكەندەي, Khazanah, Temasek, Mubadala ءتارىزدى جەتەكشى ۇلتتىق ءال-اۋقات قورلارى ەۆوليۋتسيالىق دامۋ كەزەڭىنەن كەيىن ءوزىنىڭ اكتسيونەر رەتىندەگى قۇندىلىعىن ارتتىرۋ ءۇشىن بەلسەندى ينۆەستورلارعا اينالادى. قور قىزمەتى ەكى باعىت بويىنشا شوعىرلانادى, ءبىرىنشىسى, بارلىق دەڭگەيدە بيزنەس-ۇدەرىستەردىڭ وپەراتسيالىق تيىمدىلىگىن ارتتىرۋ ارقىلى تۇراقتانعان كومپانيالاردىڭ تابىسىن ارتتىرسا, ەكىنشىسى, «ستارتاپتار» مەن جاڭا باعىتتاردى دامىتۋ ارقىلى تۇسكەن تابىستى پورتفەلدى ۇلعايتۋعا جۇمسايدى», دەدى قور باسشىسى.
«سامۇرىق-قازىنا» اق ينۆەستيتسيالىق قىزمەتىندە دە اۋقىمدى وزگەرىستەر جاساپ, جوبالاردى قارجىلاندىرۋ بارىسىندا قارىزدىق كاپيتال ۇلەسىن 54-تەن 70 پايىزعا دەيىن ۇلعايتۋدى كوزدەپ وتىر. جالپى العاندا, قور 2014 جىلى قۇنى 3,3 ملرد. اقش دوللارى بولاتىن 18 ينۆەستيتسيالىق جوبانى, سونىڭ ىشىندە ءۇيد مەملەكەتتىك باعدارلاماسى بويىنشا 6 جوبانى اياقتاۋدى جوسپارلاپ قويىپتى.
ءماجىلىستى قورىتقان پرەمەر-مينيستر قوردا اتقارىلىپ جاتقان جۇمىستارعا قاناعاتتاناتىنىن ايتا كەلىپ, ءالى دە قۇرىلىمنىڭ العا قويعان مىندەتتەرى كوپ ەكەنىنە نازار اۋداردى. «مەملەكەت باسشىسى بيىلعى جولداۋىندا ۇكىمەتكە, ونىڭ ىشىندە «سامۇرىق-قازىناعا» ايرىقشا تاپسىرمالار جۇكتەدى. ولاردىڭ قاتارىندا ءبىرىنشى كەزەكتە ەلىمىزدىڭ الەۋمەتتىك-ەكونوميكالىق جاعدايىن كوتەرە وتىرىپ, باستى مىندەتتەردىڭ ءبىرى رەتىندە شاعىن جانە ورتا بيزنەستى دامىتۋ كەرەكتىگىن مىندەتتەدى. سونداي-اق, بيىل جەكە مەنشىك سەكتورعا بەرىلەتىن كومپانيالاردى انىقتاپ, ولاردىڭ ناقتىلانعان ءتىزىمىن جاساۋدى تاپسىردى. جوعارىدا ايتىلعان ەكونوميكا مەن شاعىن جانە ورتا بيزنەستى دامىتۋ وسى شاراعا بايلانىستى ەكەنى ءمالىم», دەدى س.احمەتوۆ.
ۇكىمەت باسشىسى بۇل جيىندا دا ەلدەگى ءتۇرلى سالالارعا ينۆەستورلاردى تارتۋ ماسەلەسىنە ارنايى توقتالدى. «بۇگىنگى كۇندە, وتاندىق جانە شەتەلدىك ينۆەستورلارعا دەگەن كوزقاراس, ءبىزدىڭ ەلدە بىردەي دەرلىك. كەلگەن ينۆەستورلارعا بارلىق جاعدايدى جاساپ, ولاردىڭ ەركىن جۇمىس ىستەۋىنە بارلىق قولايلىلىقتار قاراستىرىلىپ وتىر. ولار تەك جاعىمدى ارىپتەستىك قاتىناس ورناتا بىلسە بولدى», دەپ تولىقتىردى ءسوزىن پرەمەر-مينيستر. ەلباسىنىڭ وزگە دە كۇن تارتىبىندە تۇرعان تاپسىرمالارىنا توقتالىپ وتكەن س.احمەتوۆ اۋىل شارۋاشىلىعىنان باستاپ, ەكسپو-عا دايىندىق شاراسىنا دەيىن سارالاپ شىقتى. مۇناي-گاز بەن كولىك سالاسىندا جۇزەگە اسىرىلىپ جاتقان جوبالار تۋرالى اڭگىمەلەدى. ءسويتىپ, «پرەزيدەنت بالقاش جەس قۇرىلىسىنا كiرiسۋ جونىندە بiرنەشە رەت تاپسىرما بەرگەن بولاتىن. بۇل شەشiم نەگiزسiز سوزىلىپ كەتتى. ەگەر بارلىعىمىز جۇمىلا ىسكە كiرiسىپ كەتكەندە, وتكەن جىلدىڭ كۇزىندە جوبانىڭ قۇرىلىسىن باستاپ كەتەر ەدiك. دۇيسەنبiگە دەيiن سوڭعى مەرزiم بەرiلىپ وتىر. بiز كەلiسiپ شەشۋiمiز قاجەت. وسى كوكتەمدە بiز بەلسەندi تۇردە قۇرىلىستى باستاۋىمىز قاجەت. ارينە, بارلىعى توقتاپ قالدى دەگiم كەلiپ وتىرعان جوق. جوبانىڭ ينفراقۇرىلىمى سالىنىپ جاتىر», دەدi ۇكiمەت باسشىسى ءسوزىنىڭ سوڭىندا.
نۇرباي ەلمۇراتوۆ,
«ەگەمەن قازاقستان».