● استانادا الداعى كەزەڭدە 10 مىڭ ادامعا ارنالعان زاماناۋي ستۋدەنتتىك كامپۋستىڭ قۇرىلىسى باستالادى. وسى جوبا بويىنشا ەمحانانى پايدالانۋعا بەرۋ جوسپارلانعان.
● جۋىردا «الماتى قالاسىنىڭ كوشەلەرى» اتتى انىقتامالىق وقىرماندار قولىنا ءتيدى. كولەمدى انىقتامالىقتا شاھاردىڭ بارلىق كوشەلەرى تۋرالى ماعلۇمات بەرىلگەن.
● الماتى وبلىسىندا وتكەن جىلى «قولجەتىمدى تۇرعىن ءۇي-2020» باعدارلاماسى بويىنشا 866, 6 مىڭ شارشى مەتر تۇرعىن ءۇي پايدالانۋعا بەرىلدى. ال ءۇش جىل ىشىندە 111 كوپقاباتتى تۇرعىن ۇيگە كۇردەلى ءجوندەۋ جۇرگىزىلگەن.
● كەلەشەكتە ەلىمىز بويىنشا تۇڭعىش راديولوگيالىق كلاستەر سەمەي قالاسىنان اشىلادى. بۇل جەردەن ءاربىر ازامات تەكسەرۋدەن وتە الادى.
● «بەينەۋ – بوزوي – شىمكەنت» ماگيسترالدى گاز قۇبىرى جىل سوڭىنا دەيىن ىسكە قوسىلاتىن بولدى. سونداي-اق, ءتورتىنشى مۇناي وڭدەۋ زاۋىتىن سالۋ ماسەلەسى دە قاراستىرىلادى.
● قوستاناي وبلىسىنىڭ شارۋالارىنا بيىل 6,5 ملرد. تەڭگە كولەمىندە سۋبسيديا بولىنەدى. ونىڭ ءبىر بولىگى مينەرالدىق تىڭايتقىشتار مەن گەربيتسيدتەر ساتىپ الۋعا جۇمسالادى.
● باتىس قازاقستان وبلىسىندا يندۋستريالاندىرۋ كارتاسىنا ەنگىزىلگەن 4 جوبا ىسكە قوسىلدى. سونىڭ ءبىرى قۇرىلىس ماتەريالدارى كومبيناتى.
● بيىل رەسپۋبليكا وڭىرلەرىندە 5 ونكولوگيالىق ورتالىق اشىلادى. وسى ورىندارعا زاماناۋي قۇرال-جابدىقتار ورناتىلماق.
● قاراعاندى وبلىسىندا ءمۇگەدەكتەرگە ارنالعان بوس جۇمىس ورىندارىنىڭ جارمەڭكەسى وتكىزىلدى. وندا بىرنەشە ازامات تۇراقتى جۇمىسپەن قامتىلدى.
Egemen.kz حابارلارى مەن وبلىستىق اكىمدىكتەر سايتتارىنىڭ ماتەريالدارى بويىنشا دايىندالدى.