اينەكتىڭ دە اينەگى بار. قازىر تەحنولوگيانىڭ دامىعان زامانى عوي. وسىناۋ ءمولدىر, ءايبات اينەكتەردىڭ كەيبىرى جازدا كۇن كوزىنەن ساقتاپ, قىستىڭ كۇنى جىلۋدى سىرتقا جىبەرمەيدى ەكەن. بۇلاردى, ارينە, كادىمگى اينەكپەن سالىستىرا المايتىنىڭىز انىق. ياعني, بۇل شىنىلار ۇيگە جىلۋ, شۋاق بەرەدى.
«دانا» جشس ساۋلەت سالاسىندا قولدانۋعا ارنالعان شىنى تۇرلەرىن شىعارۋمەن اينالىسادى. ولار ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا 350 ميلليون تەڭگە قارجى العان. الداعى ناۋرىز ايىندا كاسىپورىن جۇمىسىن باستاپ, 130-دان استام جاڭا جۇمىس ورنىن اشۋدى جوسپارلاپ وتىر. جاقىندا وڭتۇستىك قازاقستان وبلىسى اكىمدىگىنىڭ قولداۋىمەن «شىمكەنت يننوۆاتسيا» جشس مەن «دانا» جشس بىرلەسە وتىرىپ, «زاماناۋي شىنى ءوندىرۋ, ونى ساۋلەت قۇرىلىسىندا قولدانۋ جانە ونىڭ ەنەرگيا ۇنەمدەۋدەگى مۇمكىنشىلىكتەرى» اتتى تاقىرىپتا حالىقارالىق كونفەرەنتسيا وتكىزىلدى. كونفەرەنتسيا اياسىندا كورمە ۇيىمداستىرىلدى. وعان نەمىس, فرانتسۋز, رەسەيلىك جانە ۋكراينالىق وندىرىستىك كومپانيالاردىڭ وكىلدەرى قاتىستى.
زاماناۋي ۇلگىدە شىنى ءوندىرىپ قانا قويماي, ونى ساۋلەتتى قۇرىلىستارعا پايدالانۋدى ماقسات تۇتقان كورمەدە وتاندىق ونىمدەردىڭ ساپاسى شەتەلدىكىمەن دەڭگەيلەس ەكەنىن تۇتىنۋشىلار ايتىپ جاتتى. «كورمەگە شەتەلدەن اكەلىپ قويعان دۇنيەلەردىڭ بارلىعى دەرلىك بۇگىندە شىمكەنتتە, الماتىدا شىعارىلىپ جاتىر. ءبىز دە شەتەلدە شىنىلارىمىزبەن ماقتانا الامىز», دەيدى كورمەگە قاتىسۋشى زۇلحاينار قوجامقۇلوۆ.
وسى ءىس-شارانىڭ بارىسىندا جەرگىلىكتى كاسىپكەرلەر بىرقاتار كەلىسسوزدەرگە قول جەتكىزدى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.