مەملەكەت باسشىسى نۇرسۇلتان نازارباەۆ پارلامەنت ءماجىلىسىنىڭ توراعاسى نۇرلان نىعماتۋليندى قابىلدادى. ن.نىعماتۋلين مەملەكەت باسشىسىنا پارلامەنت ءماجىلىسىنىڭ جۇمىسى تۋرالى باياندادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە پرەزيدەنت جولداۋىن ءتيىمدى ىسكە اسىرۋ جانە «قازاقستان-2050» ستراتەگياسىن قۇقىقتىق قامتاماسىز ەتۋ ءۇشىن قاجەتتى زاڭ جوبالارى تالقىلاندى.
ن.نىعماتۋلين مەملەكەت باسشىسىن پارلامەنت ءماجىلىسىنىڭ زاڭنامالىق قىزمەتى جونىندە حاباردار ەتتى, سونداي-اق, پرەزيدەنت جولداۋىن ءتۇسىندىرۋ ءۇشىن دەپۋتاتتاردىڭ وڭىرلەرگە ساپارىنىڭ قورىتىندىسى تۋرالى ايتتى.
ءماجىلىس توراعاسى پارلامەنتشىلەردىڭ حالىقپەن جالپى سانى 1300-دەن اسا كەزدەسۋى وتكەنىن, ولارعا 140 مىڭداي ادام قاتىسقانىن مالىمدەدى.
سونداي-اق, ن.نىعماتۋلين V سايلانىمداعى پارلامەنت جۇمىسى كەزەڭىندە 255 زاڭ جوباسى قاراۋ ءۇشىن قابىلدانعانىن, ونىڭ 21-ىنە دەپۋتاتتاردىڭ باستاماشىلىق ەتكەنىن اتاپ ءوتتى. سەناتقا 183 زاڭ جوباسى جولدانعان, قازىر ونىڭ 173-ءى زاڭعا اينالدى. بۇگىندە ءماجىلىستىڭ زاڭناما قورجىنىندا 60 زاڭ جوباسى قارالۋدا.
كەزدەسۋ قورىتىندىسىندا مەملەكەت باسشىسى بىرقاتار ناقتى ءمىندەتتەر جۇكتەدى.
-----------------------------------------
سۋرەتتى تۇسىرگەندەر
س.بوندارەنكو, ب.وتارباەۆ.