سينوپتيكتەر 12 قاراشاعا ارنالعان اۋا رايى بولجامىن جاريالادى, دەپ حابارلايدى Egemen.kz.
«ەلىمىزدىڭ شىعىس, وڭتۇستىك جانە باتىس ايماقتارىنا اۋا رايى جاۋىن-شاشىنسىز بولاتىن جوعارى قىسىمدى القاپ اسەر ەتەدى. رەسپۋبليكانىڭ قالعان بولىگىندەگى اۋا رايىن ءالى دە تسيكلون جىراسى جانە سونىمەن بايلانىستى اتموسفەرالىق فرونتتار انىقتايدى. سوعان بايلانىستى جاۋىن-شاشىن جاۋىپ, سولتۇستىك وڭىرلەردە جاڭبىردىڭ سوڭى قارعا ۇلاسادى. ەلىمىزدىڭ باسىم بولىگىندە جەل كۇشەيەدى, وڭتۇستىكتە شاڭدى داۋىل سوعادى, سولتۇستىك اۋدانداردا جاياۋ بۇرقاسىن, كوكتايعاق بولادى, باتىسىندا, سولتۇستىگىندە جانە رەسپۋبليكانىڭ وڭتۇستىك-شىعىسىنداعى تاۋلى اۋدانداردا تۇمان تۇسەدى», دەلىنگەن حابارلامادا.
اقمولا وبلىسىنىڭ سولتۇستىگىندە, باتىسىندا, شىعىسىندا, قوستاناي وبلىسىنىڭ سولتۇستىك-شىعىسىندا, شىعىسىندا كوكتايعاق, جاياۋ بۇرقاسىن, تۇمان تۇسەدى, جەل 15-20 م/س دەيىن كۇشەيەدى.
شىعىس قازاقستان وبلىسىنىڭ باتىسىندا, جامبىل وبلىسىنىڭ سولتۇستىك-باتىسىندا, شىعىسىندا, الاكول كولدەرىنىڭ اۋدانىندا, تاڭەرتەڭ جانە كۇندىز تۇركىستان وبلىسىنىڭ سولتۇستىگىندە جانە تاۋلى اۋداندارىندا, كۇندىز قاراعاندى وبلىسىنىڭ سولتۇستىگىندە جەل 15-22 م/س كۇشەيەدى. تۇركىستان وبلىسىنىڭ سولتۇستىگىندە جانە تاۋلى اۋداندارىندا شاڭدى داۋىل سوعادى, جامبىل وبلىسىنىڭ شىعىسىندا, تاۋلى اۋداندارىندا تۇمان تۇسەدى.
باتىس قازاقستان وبلىسىنىڭ وڭتۇستىگىندە, اتىراۋ وبلىسىنىڭ سولتۇستىگىندە, تۇندە جانە تاڭەرتەڭ ماڭعىستاۋ وبلىسىنىڭ سولتۇستىك-شىعىسىندا تۇمان تۇسەدى, باتىس قازاقستان وبلىسىنىڭ سولتۇستىگىندە, سولتۇستىك-باتىسىندا جەل 15-20 م/س جەل كۇشەيەدى, اتىراۋ وبلىسىنىڭ سولتۇستىگىندە كوكتايعاق بولادى.
كۇندىز اقتوبە وبلىسىنىڭ سولتۇستىگىندە كوكتايعاق بولادى.
سولتۇستىك قازاقستان وبلىسىنىڭ وڭتۇستىك-باتىسىندا تۇندە جانە تاڭەرتەڭ تۇمان تۇسەدى, كۇندىز جەل 15-20 م/س دەيىن كۇشەيەدى.
پاۆلودار وبلىسىنىڭ سولتۇستىگىندە تۇمان تۇسەدى, كوكتايعاق بولادى, كۇندىز وبلىستىڭ وڭتۇستىگىندە 15-20 م/س كۇشەيەدى.