مەملەكەت باسشىسى نۇرسۇلتان نازارباەۆ تابيعي مونوپوليالاردى رەتتەۋ اگەنتتىگىنىڭ توراعاسى مۇرات وسپانوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
م.وسپانوۆ مەملەكەت باسشىسىنا اگەنتتىكتىڭ 2013 جىلعى جۇمىس قورىتىندىلارى مەن بيىلعى جىلعا ارنالعان جوسپارلار تۋرالى باياندادى.
كەزدەسۋ بارىسىندا تاريف ساياساتىن جەتىلدىرۋ جونىندەگى نەگىزگى شارالار, سونداي-اق, تاريفتەردى قالىپتاستىرۋدىڭ اشىقتىعىن قامتاماسىز ەتۋ, رەتتەلەتىن قىزمەتتەر ساپاسىن ارتتىرۋ مەن تابيعي مونوپوليالار سۋبەكتىلەرىنىڭ قىزمەتىنە باقىلاۋدى كۇشەيتۋ ماسەلەلەرى تالقىلاندى.
قازاقستان پرەزيدەنتى مونوپوليستەردىڭ تاريفتەردى ءوسىرۋ ناتيجەسىندە الىناتىن قاراجاتتاردى ماقساتتى پايدالانۋىن قاتاڭ باقىلاۋدى قامتاماسىز ەتۋ قاجەتتىگىنە نازار اۋداردى.
نۇرسۇلتان نازارباەۆ شاعىن جانە ورتا بيزنەستى دامىتۋ ءۇشىن بارىنشا قولايلى جاعدايلار جاساۋدىڭ, سونىمەن قاتار, ينۆەستيتسيا تارتۋ ماقساتىندا مەملەكەت-جەكەمەنشىك سەرىكتەستىگى تەتىگىن كەڭىرەك قولدانۋدىڭ ماڭىزدىلىعىن اتاپ ءوتتى.
اگەنتتىك توراعاسى مەملەكەت باسشىسىن تابيعي مونوپوليالار سۋبەكتىلەرىنىڭ ينۆەستيتسيالارىنىڭ ءوسۋ قارقىنى مەن سالانى جاڭعىرتۋدىڭ ناتيجەلەرى تۋرالى حاباردار ەتتى. كاپيتال سالۋ توزۋ دەڭگەيىن تومەندەتۋگە جانە ىسىراپتى ەداۋىر قىسقارتۋعا ىقپال ەتكەنى اتاپ ءوتىلدى. اتاپ ايتقاندا, 2006 جىلدان باستاپ ولاردىڭ دەڭگەيى ءىس جۇزىندە جارتىلاي تومەندەگەن, سونداي-اق, وتىندى, شيكىزاتتى, ماتەريالدار مەن ەنەرگيانى تۇتىنۋ ازايعان.
كەزدەسۋ قورىتىندىسىندا مەملەكەت باسشىسى بىرقاتار ناقتى تاپسىرمالار بەردى.
-----------------------------------------
سۋرەتتەردى تۇسىرگەندەر
س.بوندارەنكو, ب.وتارباەۆ.