الماتىدا اۆتوبۋس پەن تروللەيبۋس سوقتىعىستى, دەپ حابارلايدى Egemen.kz.
جول اپاتى بۇگىن ساعات 12:36-دا ابىلاي حان داڭعىلى مەن تولە بي كوشەسىنىڭ قيىلىسىندا بولدى.
«يۋوتونگ» ماركالى اۆتوبۋستىڭ ا. ەسىمدى جۇرگىزۋشىسى تولە بي كوشەسىنىڭ بويىمەن شىعىس باعىتتا كەلە جاتقان. ابىلاي حان داڭعىلىمەن قيىلىستا باعدارشامنىڭ قىزىل تۇسىنە ءوتىپ كەتىپ, ابىلاي حان داڭعىلى بويىمەن وڭتۇستىك باعىتتا قوزعالعان
«YUONG MAN» ماركالى تروللەيبۋسپەن سوقتىعىسۋعا جول بەردى. جول اپاتى سالدارىنان تروللەيبۋستاعى ءۇش جولاۋشى, اۆتوبۋستاعى ەكى جولاۋشى جانە ەكى جۇرگىزۋشى دە زارداپ شەكتى. 1966 جىلى تۋعان تروللەيبۋس جۇرگىزۋشىسى مەن 1986 جىلى تۋعان اۆتوبۋس جۇرگىزۋشىسى دەنە جاراقاتتارىمەن اۋرۋحانالارعا جەتكىزىلدى. ماتەريال المالى اۋداندىق پوليتسيا باسقارماسىنىڭ وندىرىسىندە», دەدى الماتى قالاسى پوليتسيا دەپارتامەنتى انىقتاۋ باسقارماسىنىڭ باستىعى ولجاس ءشارىپوۆ.