كەشە پرەمەر-مينيستر سەرىك احمەتوۆ كاسىپكەرلەردىڭ ۇلتتىق پالاتاسىمەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋگە ورتالىق اتقارۋشى ورگانداردىڭ, ۇلتتىق كومپانيالاردىڭ, سالالىق قاۋىمداستىقتاردىڭ باسشىلارى قاتىستى.
كەڭەس بارىسىندا ۇلتتىق ۆاليۋتا باعامىنا تۇزەتۋلەر ەنگىزۋگە بايلانىستى, كاسىپكەرلىك سالانى دامىتۋدىڭ كوكەيكەستى ماسەلەلەرى تالقىلاندى.
كەڭەستە ۇكپ كوميتەتتەرى مەن سالالىق قاۋىمداستىقتار باسشىلارى سويلەدى. كەزدەسۋ بارىسىندا تاراپتار ەكونوميكانىڭ باسىم سالالارىندا ودان ءارى ماكروەكونوميكالىق جانە الەۋمەتتىك تۇراقتىلىقتى ساقتاۋ بويىنشا پىكىر الماستى.
كەزدەسۋدى قورىتىندىلاي كەلە, پرەمەر-مينيستر كەڭەستە كوتەرىلگەن ماسەلەلەردىڭ وتە ماڭىزدى ەكەنىن جانە ۇكىمەتتىڭ بارلىق ۇسىنىستاردى مۇقيات قارايتىنىن اتاپ كورسەتتى.
«بارلىق ماسەلەلەر جۇيەلى تۇردە شەشىلەتىن بولادى, ونىڭ كوپشىلىگى بويىنشا ءبىز كاسىپكەرلەردىڭ ۇلتتىق پالاتاسىمەن كەڭەسەتىن بولامىز», دەدى س.احمەتوۆ.