قر دەنساۋلىق ساقتاۋ مينيسترلىگى مەن «AstraZeneca» كومپانياسى مەديتسينا قىزمەتكەرلەرىنىڭ بىلىكتىلىگىن ارتتىرۋ سالاسىنداعى ىنتىماقتاستىقتى دامىتاتىن بولادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
ۇلىبريتانيا مەن قازاقستاننىڭ 8-ءشى ۇكىمەتارالىق كوميسسياسىنىڭ پلەنارلىق وتىرىسى اياسىندا قر دەنساۋلىق ساقتاۋ مينيسترلىگى مەن قازاقستانداعى «AstraZeneca» كومپانياسىنىڭ وكىلدىگى اراسىندا ءوزارا تۇسىنىستىك تۋرالى مەموراندۋمعا قول قويىلدى.
بۇل قۇجات ساپالى جانە قولجەتىمدى دەنساۋلىق ساقتاۋدى دامىتۋ, 2025 جىلعا قاراي ازاماتتاردىڭ كۇتىلەتىن ءومىر ءسۇرۋ ۇزاقتىعىن 75 جاسقا دەيىن ارتتىرۋ, ينفەكتسيالىق ەمەس اۋرۋلاردىڭ پرواكتيۆتى پروفيلاكتيكاسى مودەلىن ەنگىزۋ جانە قازاقستان رەسپۋبليكاسىنىڭ دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىن ىسكە اسىرۋ شەڭبەرىندە اۋرۋلاردى باسقارۋ باعدارلامالارىن كەڭەيتۋ جونىندەگى شارالاردى ىسكە اسىرۋعا باعىتتالعان.
«2020 جىل ازاماتتار ءۇشىن مەديتسينالىق-سانيتارلىق كومەكتىڭ ساپاسى مەن قولجەتىمدىلىگىن جاقسارتۋعا كەشەندى ءتاسىلدىڭ قاجەتتىلىگىن كورسەتتى. ءبىز حالىق دەنساۋلىعىن سيپاتتايتىن كورسەتكىشتەردە ساپالى ىلگەرىلەۋگە قول جەتكىزۋ ءۇشىن مەملەكەتتىك ۆەدومستۆولاردى, بيزنەس وكىلدەرىن, بارلىق دەڭگەيدەگى قوعامدىق ۇيىمداردى, ءبىرىنشى كەزەكتە, حالىقتىڭ يننوۆاتسيالارعا قولجەتىمدىلىگىنە تىكەلەي اسەر ەتەتىن قۇرىلىمداردى قوسا العاندا, بۇكىل قوعامنىڭ كۇش-جىگەرىنىڭ كەلىسىمدىلىگى قاجەت ەكەنىن تۇسىنەمىز», دەدى قر دەنساۋلىق ساقتاۋ ۆيتسە-ءمينيسترى جاندوس بۇركىتباەۆ.
بۇل رەتتە مەموراندۋم ينفەكتسيالىق ەمەس اۋرۋلاردى باسقارۋدىڭ يننوۆاتسيالىق تاسىلدەرى تۋرالى ءبىلىمدى ارتتىرۋ جانە الەۋمەتتىك ءمانى بار اۋرۋلاردى قازىرگى زامانعى ەمدەۋ ماسەلەلەرىندە مامانداردىڭ ءبىلىم دەڭگەيىن ارتتىرۋ ءۇشىن عىلىمي-ءبىلىم بەرۋ باعدارلامالارى سياقتى باعىتتاردا ىنتىماقتاستىق مۇمكىندىگىن اشادى.
سونداي-اق, دەنساۋلىق ساقتاۋدى كلينيكالىق پراكتيكاعا جانە تسيفرلاندىرۋعا الەۋمەتتىك ماڭىزى بار اۋرۋلاردى دياگنوستيكالاۋ مەن ەمدەۋدىڭ قازىرگى زامانعى ادىستەرىن ەنگىزۋ, سونداي-اق جاڭا تسيفرلىق ەكوجۇيەنى قۇرۋ بويىنشا ۇسىنىستار ازىرلەنەدى دەپ جوسپارلانۋدا.
قر دەنساۋلىق ساقتاۋ مينيسترلىگىمەن ىنتىماقتاستىق شەڭبەرىندە «AstraZeneca» كومپانياسى قانت ديابەتىن انىقتاۋ مەن باقىلاۋدى جاقسارتۋ جونىندەگى باعدارلامالاردى قولداۋدى, رەسپيراتورلىق اۋرۋلاردى ەمدەۋدى جەتىلدىرۋدى, ورفاندىق اۋرۋلار سالاسىندا قازاقستاننىڭ دەنساۋلىق ساقتاۋ جۇيەسىن دامىتۋدى جاقسارتۋ ماسەلەلەرى بويىنشا جاردەم كورسەتۋدى, قان اينالىمى جۇيەسى اۋرۋلارىنان بولاتىن تەراپيا جانە ءولىم-ءجىتىمدى ازايتۋ جونىندەگى باعدارلامالاردى ىسكە اسىرۋدى جوسپارلاپ وتىر.
«بۇگىن قول قويىلعان مەموراندۋم «AstraZeneca» كومپانياسىنىڭ جيناقتالعان جاھاندىق ساراپتاماسىن رەسپۋبليكاداعى مەديتسينالىق كومەكتى جەتىلدىرۋ ءۇشىن قولدانۋعا مۇمكىندىك بەرەدى. مەموراندۋمنىڭ ماڭىزدى مىندەتتەرىنىڭ ءبىرى قازاقستاندىقتاردى تىركەلگەن ساتتەن باستاپ قىسقا مەرزىمدە يننوۆاتسيالىق پرەپاراتتارعا قول جەتكىزۋمەن قامتاماسىز ەتۋ بولىپ تابىلادى. بۇدان باسقا, مەموراندۋمدا دەنساۋلىق ساقتاۋ ماماندارىنىڭ قۇزىرەتتەرىن جەتىلدىرۋگە كوپ كوڭىل بولىنەدى. مۇنداي سينەرگيا قازاقستان رەسپۋبليكاسىنداعى كلينيكالىق تاجىريبەگە الەۋمەتتىك ماڭىزى بار اۋرۋلاردىڭ زاماناۋي دياگنوستيكاسى مەن تەراپياسىنا تسيفرلىق شەشىمدەر مەن جاڭا تاسىلدەردى ەنگىزۋدى جەدەلدەتۋگە مۇمكىندىك بەرەدى», دەدى قازاقستانداعى «AstraZeneca» كومپانياسى وكىلدىگىنىڭ ديرەكتورى الەكساندر تاريشكين.