باتىس قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ جاڭا باسشىسى بولىپ باۋىرجان اينابەكوۆ تاعايىندالدى, دەپ حابارلايدى Egemen.kz قارجى مينيسترلىگىنىڭ ءباسپاسوز قىزمەتىنە سىلتەمە جاساپ.
جاڭا باسشىنى ۇجىمعا قر قارجى مينيسترلىگى اپپاراتىنىڭ باسشىسى ابزال بەيسەنبەك ۇلى تانىستىردى.
باۋىرجان قازبەك ۇلى اينابەكوۆ قىزىل تۋ ەڭبەك وردەنىنىڭ اۋىلشارۋاشىلىق ينستيتۋتىن, ۇزدىكسىز ءبىلىم بەرۋ الماتى ۋنيۆەرسيتەتىن, رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن تامامداعان.
ەڭبەك جولىن 1994 جىلى الماتى وبلىسى بويىنشا سالىق كوميتەتىندە سالىق ينسپەكتورى بولىپ باستاعان. 1995 جىلدان باستاپ مەملەكەتتىك كىرىستەر كوميتەتىنىڭ اۋماقتىق بولىمشەلەرىندە ءارتۇرلى لاۋازىمداردا, ونىڭ ىشىندە باسشىلىق لاۋازىمداردا قىزمەت اتقارعان. 2019 جىلدان 2021 جىلدىڭ قازان ايىنا دەيىن پاۆلودار وبلىسى بويىنشا مكد باسشىسىنىڭ ورىنباسارى قىزمەتىندە بولدى.
ابزال بەيسەنبەك ۇلى باۋىرجان اينابەكوۆكە العا قويىلعان مىندەتتەرگە تابىستى قول جەتكىزۋىن تىلەدى.