تاۋەلسىز قازاقستاننىڭ كەدەن قىزمەتى – ەل الدىندا, مەملەكەت الدىندا ءزىل-باتپان مىندەتى بار سالا. ايلاسىن اسىرىپ شەكارادان ءوتىپ, ويداعىسىن جۇزەگە اسىرامىن دەگەن نەبىر قۋلاردى قۇرىقتاپ جۇرگەندەرى بەلگىلى. مەملەكەتكە كەلتىرگەن كىرىس كولەمدەرى ميللياردتارمەن ولشەنەدى.
ماڭعىستاۋ ايماعىندا كەدەنشىلەر بەلسەندى قىزمەت ەتۋدە. مەملەكەتتىڭ ەكونوميكالىق مۇددەلەرىن قامتاماسىز ەتۋ ىسىندە ماڭىزدى رولگە يە ەكەندىكتەرىن, سىرتقى ەكونوميكالىق بايلانىستى رەتتەۋگە قاتىسۋ ارقىلى قىزمەت تۇرلەرىن جۇزەگە اسىرىپ, مەملەكەت بيۋدجەتىن تولتىرۋعا جانە ەكونوميكالىق ماسەلەلەردى شەشۋگە اتسالىسۋعا, كەدەندىك جانە وزگە دە سالاداعى قۇقىق بۇزۋشىلىقتار مەن قىلمىستاردى انىقتاپ, ولاردىڭ جولىن كەسۋگە ءتيىس ەكەندىگىن جاقسى ۇعىناتىن ولار مەملەكەت شىن مانىندە سىرتقى ەكونوميكالىق دەربەستىككە جانە تاۋەلسىزدىككە قول جەتكىزگىسى كەلسە, ەڭ الدىمەن مىقتى كەدەنى بولۋى ءتيىس دەگەن قاعيدانى باسشىلىققا الىپ كەلەدى. وسى جاۋاپكەرشىلىك ولاردىڭ تەڭىز ارقىلى كەلگەن تالاي براكونەرلەردى اۋىزدىقتاپ, زاڭسىز تاۋارلاردى تاركىلەۋىنە نەگىز بولدى.
زاماننىڭ ىرعاعى مەن ەكونوميكالىق قارىم-قاتىناس كەدەن قىزمەتىنە قويىلار تالاپتى كۇشەيتە تۇسەدى. مەملەكەت باسشىسى كەدەن قىزمەتىنىڭ ساپاسىن ىلگەرىلەتە ءتۇسۋ تۋرالى بيىلعى جولداۋىندا ايتقان بولاتىن. جۋىردا ماڭعىستاۋ وبلىسى بويىنشا كەدەندىك باقىلاۋ دەپارتامەنتى قىزمەتكەرلەرى جيىلىپ, جولداۋعا قولداۋ ءبىلدىردى.
مەملەكەت باسشىسىنىڭ جولداۋدا ەلىمىزدىڭ ءومىر ءسۇرۋى بويىنشا ناقتى باعدارلار, مىندەتتەر جانە پرينتسيپتەر ايقىندالدى, بۇل ساپالى قادام جاساۋعا مۇمكىندىك بەرەتىنى ءسوزسىز جانە رەسپۋبليكامىز 2050 جىلى الەمنىڭ ەڭ دامىعان وتىز ەلىنىڭ قۇرامىنا ەنۋى ءتيىس, دەگەن ماڭعىستاۋ وبلىسى بويىنشا كەدەندىك باقىلاۋ دەپارتامەنتى باستىعىنىڭ م.ا. س. دىنباەۆ كەدەن زاڭدىلىقتارىن ىمىراشىلداندىرۋ مەن جۇيەلەندىرۋ, اكىمشىلىك باسقارۋعا قاتىستى مەملەكەت باسشىسى قويعان بيىك ماقساتتارعا جەتۋ ءۇشىن جولداۋمەن قارۋلانىپ جۇمىلۋ كەدەن سالاسى قىزمەتكەرلەرىنىڭ نەگىزگى مىندەتتەرى ەكەنىن اتاپ ءوتتى.
جۇكتەردى كەدەندىك وڭدەۋ مەرزىمىن قىسقارتۋ, شەكارادان وتەتىن جولداردىڭ وتكىزۋ مۇمكىندىگىن ارتتىرۋ, ەكسپورتتىق-يمپورتتىق وپەراتسيالاردىڭ راسىمدەرىن وڭايلاتۋ, سىبايلاس جەمقورلىققا قارسى شارالاردى كۇشەيتۋ, جۇمىستىڭ ايقىندىعىن ارتتىرۋ جانە مەملەكەتتىك قىزمەت كورسەتۋلەردىڭ ساپاسىن جوعارىلاتۋ, بيزنەس-قوعامداستىقپەن ءوزارا ءىس-قيمىلدىڭ ىڭعايلى جۇيەسىن قامتاماسىز ەتۋ ماسەلەلەرىنە توقتالدى. كەدەن قىزمەتىنىڭ جەكە قۇرامى الدىندا بولىمدەر باسشىلارى ءسوز الىپ, جولداۋدىڭ باسىم باعىتتارى تۋرالى وي ءوربىتتى.
«جۇرەر جولىمىز, بارار بولاشاعىمىز ءبىر, سوندىقتان كوتەرەر جۇك ورتاق» دەگەن كەدەنشىلەر جولداۋدا ايتىلعان تاپسىرمالاردى ورىنداۋعا بەلسەندى اتسالىساتىندارىن ايتىپ وتىر.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.