اقتوعاي اۋىلدىق وكرۋگىنىڭ ورتالىعى قوتىرتاس اۋىلىنىڭ تۇرعىندارى ەندى كوگىلدىر وتىننىڭ يگىلىگىن كورەتىن بولدى. اۋىل ءىرگەسىندەگى گاز ءبولۋ بەكەتىنە جينالعان قوتىرتاستىقتاردى اۋدان اكىمى ەربول داناعۇلوۆ ەلدى مەكەنگە گازدىڭ كەلۋىمەن قۇتتىقتاپ, مۇنداي تۇرمىستىق يگىلىكتىڭ ەلباسىنىڭ سىندارلى ساياساتىنىڭ, وبلىس اكىمى ارحيمەد مۇحامبەتوۆتىڭ تىكەلەي قولداۋىنىڭ ارقاسىندا مۇمكىن بولىپ وتىرعانىن جەتكىزدى. ول وتكەن جىلى جىلتىر اۋىلىنا گاز, اۋىز سۋ تارتىلعانىنا, قاۋىلجىر اۋىلىندا 40 ورىندىق دارىگەرلىك امبۋلاتوريا عيماراتى سالىنعانىنا, الاباس اۋىلىندا جاستارعا ەكى تۇرعىن ءۇي سالىنىپ بەرىلگەنىنە توقتالدى.
قوتىرتاس اۋىلىنداعى 156 وتباسى بۇدان بىلاي وت جاعىپ, كۇل شىعارۋدىڭ ازابىنان قۇتىلدى. تۇرعىندار اۋىلعا گاز تارتۋعا ۇلكەن كومەك كورسەتكەن «ەمشان» كومپانياسىنىڭ پرەزيدەنتى, وبلىستىق ءماسليحاتتىڭ دەپۋتاتى م.وندىرگەنوۆكە, گاز قۇبىرىن تارتۋ جۇمىسىن ساپالى اتقارعان «ال اقتوبە» جشس-ءنىڭ ۋچاسكە باستىعى ۆ.ماتيۋشكوۆكە, ۋچاسكە شەبەرى م.مىڭجاساروۆقا, ونىڭ جۇمىسشىلارىنا العىس سەزىمىن ءبىلدىردى.
ساتىبالدى ءساۋىرباي,
«ەگەمەن قازاقستان»
اقتوبە وبلىسى,
شالقار اۋدانى.