ءبىزدىڭ ەكونوميكامىزدىڭ ارقاۋى بولىپ كەلگەن جانە سولاي بولىپ قالا بەرەتىن كەن-مەتاللۋرگيا كەشەنى قازىر اۋىر جاعدايدى باستان كەشۋدە. سوڭعى بىرنەشە جىلدار بويىنا سالا قولايسىز نارىق جاعدايىندا جۇمىس ىستەۋدە. باعالار ايتارلىقتاي تومەندەدى. ماسەلەن, اليۋميني سالاسىندا ول 15 پايىزعا تومەندەسە, ول ءۇردىس ءالى دە جالعاسۋدا.
داعدارىس جاعدايىن باستان كەشۋشى تەك ءبىز عانا ەمەس. بىراق وتكىزۋ رىنوگى ءۇشىن كۇرەستە ءبىزدىڭ جاقىن كورشىلەرىمىز تەڭگەنىڭ قىمباتتىعىنان ارتىقشىلىقتارعا يە بولۋدا.
ءبىز بارىنشا قاتاڭ ۇنەمدەۋ شارالارىن قابىلداۋعا ءماجبۇر بولدىق. ءوزىمىزدىڭ ينۆەستيتسيالىق باعدارلامامىزدى قايتا قارادىق.ءتىپتى, ەڭ ءبىر اۋىر ماسەلە بولىپ تابىلاتىن پەرسونالدى قىسقارتۋ جايى دا كۇن تارتىبىندە تۇردى.
وسىنداي جاعدايدا ءبىز دوللارعا قاتىستى تەڭگەنىڭ شىنايى باعامىن بەلگىلەۋ ءىسىن وتاندىق ەكسپورتتاۋشىلارعا قولداۋ كورسەتۋدەگى ىقپالدى شارا رەتىندە قابىلدايمىز. جاڭا ايىرباس باعامى ءونىمنىڭ باسەكەگە قابىلەتتىلىگىن ارتتىرۋعا, جۇمىس ورىندارىن ساقتاۋعا, ال ءبىزدىڭ ينۆەستيتسيالىق باعدارلامالارىمىزدى قايتا قاراۋىمىزعا, دەمەك, جاڭا جۇمىس ورىندارىن اشۋعا, الەۋمەتتىك باعدارلامالاردى قارجىلاندىرۋعا, سونىمەن قاتار, بيۋدجەتكە تولەنەتىن تولەمدەر كولەمىن ارتتىرۋعا جاعداي جاسايتىن بولادى.
بۇل ماسەلەنىڭ تاعى ءبىر اسپەكتىسى بار. بۇدان تەك ءىرى بيزنەس قانا ۇتىسقا شىقپايدى, وسى ۋاقىتتارعا دەيىن ىشكى رىنوكتارعا تاۋار جەتكىزۋدە كەدەن وداعى بويىنشا كورشىلەردەن ۇتىلىپ كەلگەن وتاندىق بيزنەس وكىلدەرى – شاعىن جانە ورتا كاسىپكەرلىك سالاسى ءۇشىن دە ارتىقشىلىقتار پايدا بولادى.
ەگەر ءبىزدىڭ قىزمەتكەرلەرگە كەلەر بولساق, ولار كاسىپورىن ەكونوميكاسىنىڭ تۇراقتىلىعىنا, دەمەك, سول ارقىلى تۇراقتى جۇمىس پەن ەڭبەكاقىعا قول جەتكىزەتىن بولادى.
سوندىقتان دا ءبىز ۇكىمەتتىڭ تۇتىنۋ تاۋارلارى باعاسىنىڭ نەگىزسىز ءوسىپ كەتۋىنە جول بەرمەۋ جونىنەن قابىلداعان شارالارىن قولدايمىز جانە بۇل تۇرعىدا بارىنشا قاتاڭ قاداعالاۋ بولۋى كەرەك دەپ ەسەپتەيمىز.
ەلەنا پوپاندوپۋلو,
ENRC قازاقستاننىڭ
باسقارۋشى ديرەكتورى.