19 جەلتوقساندا پاريجدە Junior Eurovision Song Contest بايقاۋىندا ەل نامىسىن قورعايتىن قاتىسۋشىنى انىقتاۋ ءۇشىن قازاقستاندىقتار اراسىندا داۋىس بەرۋ باستالدى, دەپ حابارلايدى Egemen.kz.
وتىنىمدەردى قابىلداۋ 29 قىركۇيەكتە باستالدى. ۇيىمداستىرۋشىلارعا قازاقستاننىڭ 17 وڭىرىنەن 819 ءوتىنىم كەلىپ ءتۇستى. كەشە, 8 قازاندا قازىلار القاسى ۇزدىك 30 جاس ورىنداۋشىنى ىرىكتەپ الدى.
بۇگىن ونلاين-داۋىس بەرۋ باستالدى, ول 12 قازانعا دەيىن جالعاسادى. داۋىس بەرۋگە بارلىق قازاقستاندىقتار قاتىسا الادى. ول ءۇشىن jevision.khabar.kz سايتىنا ءوتىپ, قاتىسۋشىلاردىڭ ۆيدەولارىن تاماشالاپ, ۇناعان قاتىسۋشىعا داۋىس بەرە الاسىز.
قازىلار القاسى داۋىس بەرۋگە تاڭداعان بالالاردىڭ ءتىزىمى:
سەمەيدەن 11 جاسار اڭسار ءادىلحانوۆ; اتىراۋدان 12 جاسار اينەل اسقاروۆا; الماتىدان 12 جاسار سابرينا ادىلبەك; نۇر-سۇلتاننان 14 جاستاعى ەسەت ءالجانوۆ; نۇر-سۇلتاننان 12 جاسار ايگەرىم امانتاي; الماتى وبلىسىنان 10 جاسار شەرحان ارىستان; اقتاۋدان 11 جاسار ءامينا اسعاتوۆا; ەكىباستۇزدان 13 جاسار التىن بايتاس; ستراسبۋرگتە (فرانتسيا) تۇراتىن 8 جاسار استانالىق بەكنۇر جانىبەك ۇلى; نۇر-سۇلتاننان 14 جاستاعى دىنمۇحامەد بەرىكوۆ; اقمولا وبلىسىنان 14 جاسار يساتاي بولاتحان ۇلى; الماتى وبلىسىنان 11 جاسار ارۋجان ەرمەك; الماتىلىق 13 جاسار ايگەرىم ەسمۋرزاەۆا; الماتى وبلىسىنان 10 جاسار ابىلقايىر جۇماباي; تالدىقورعاندىق 9 جاسار ءىنجۋ ەسىمجان; نۇر-سۇلتاننان 12 جاستاعى ادەل كۋناديلوۆا; الماتىدان 11 جاسار ايا قۇرمانعالي; الماتىدان 12 جاسار جان ماكيم; الماتىدان 9 جاسار بايان مۇحيدەن; نۇر-سۇلتاننان 14 جاستاعى اقنۇر نۇرجانوۆا; شىمكەنتتىك 11 جاستاعى ساعىن ءومىرباي ۇلى ; اقتاۋدان 13 جاستاعى ارمەن سااكيان; الماتى وبلىسىنا 13 جاسار كاميلا اعىمباي; نۇر-سۇلتاننان 12 جاسار داليا سماعۇلوۆا; نۇر-سۇلتاننان 9 جاسار ادينا سۋلەنوۆا; نۇر-سۇلتاننان 13 جاسار ەكاتەرينا تابارينا; نۇر-سۇلتاننان 14 جاستاعى ايانا تولەنوۆا; اقسايدان 12 جاسار تۇگەلباي ءالىمجان تۇگەلباي, باتىس قازاقستان وبلىسى; ورالدان 11 جاستاعى الينۋر حامزين; نۇر-سۇلتاننان 13 جاستاعى ەۆا شيركو. ونلاين-داۋىس بەرۋ ناتيجەلەرى بويىنشا ۇلتتىق ىرىكتەۋدىڭ فيناليستەرى انىقتالادى.فينالدا جاس تالانتتار ءوز اندەرىن ورىندايدى. ولارعا مۋزىكالىق شىعارمالاردى قازاقستاندىق كومپوزيتورلار ارنايى جازادى.
جەڭىمپاز قازىلار القاسى مۇشەلەرىنىڭ باعالارى مەن SMS-داۋىس بەرۋ ناتيجەلەرى بويىنشا انىقتالادى. ەڭ كوپ بالل جيناعان ۇمىتكەر 19 جەلتوقساندا پاريجدەگى La Seine Musicale كونتسەرت زالىندا Junior Eurovision Song Contest حالىقارالىق ءان بايقاۋىندا قازاقستان نامىسىن قورعايدى.
قازاقستان اۋماعىندا Junior Eurovision Song Contest بايقاۋىن «حابار» تەلەارناسى كورسەتەدى.
ەسكە سالايىق, بۇل - قازاقستاننىڭ شوۋعا ءتورتىنشى رەت قاتىسۋى. قازاقستان العاش رەت Junior Eurovision بايقاۋىندا 2018 جىلى ونەر كورسەتتى. ء«وزىڭ سەن» ءانىن ورىنداعان دانەليا تولەشوۆا ەل نامىسىن قورعادى. ول التىنشى ورىن الدى. 2019 جىلى ەرجان ماكسيم «ارمانىڭنان قالما» انىمەن ەكىنشى ورىن الدى.
2020 جىلى پاندەمياعا بايلانىستى بايقاۋ قاشىقتان جۇرگىزىلدى, بارلىق قويىلىم جازبا ارقىلى ۇسىنىلدى. بايقاۋدا قازاقستان اتىنان قاراقات باشانوۆا «Foreve» انىمەن ونەر كورسەتتى, قازىلار القاسى مەن كورەرمەندەردىڭ داۋىس بەرۋ قورىتىندىسى بويىنشا ول 13 قاتىسۋشىنىڭ اراسىندا ەكىنشى بولدى.