كەزدەسۋ بارىسىندا, 2021 جىلدان باستاپ «رۋحاني جاڭعىرۋ» باعدارلاماسى – «قوعامدىق سانانى ۇلتتىق جاڭعىرتۋ كەزەڭىنە وتكىزۋگە ارنالعان جول كارتاسى» فورماتىنا كوشۋىن جانە ونىڭ اياسىندا جوبالاردىڭ اۋقىمدىلىعى مەن ماڭىزىنا بايلانىستى جول كارتاسى (2022-2024 جىلدارعا ارنالعان جول كارتاسى) ءۇش جىلدىق كەزەڭگە ۇزارتىلعانى تالقىلانىپ, باعدارلامانى ودان ءارى دامىتۋ پەرسپەكتيۆالارى بويىنشا پىكىر الماستى.
«رۋحاني جاڭعىرۋ» باعدارلاماسى اياسىندا ەلوردادا 2021 جىلدىڭ ءبىرىنشى جارتىجىلدىعىندا 400-دەن استام ءىس-شارا ۇيىمداستىرىلدى. جوبالىق كەڭسەنىڭ وقۋ ورتالىعى باعدارلامانىڭ ماقساتى مەن مىندەتتەرىن ءتۇسىندىرۋ بويىنشا مەملەكەتتىك جانە بيۋدجەتتىك مەكەمەلەردىڭ قىزمەتكەرلەرىنە ارنالعان سەمينار-ترەنينگتەر ۇيىمداستىرادى. بۇگىنگى كۇنى 79 مەكەمەنىڭ 1427 قىزمەتكەرى وقىتىلدى. جالپى ساعات سانى – 316.
«رۋحاني جاڭعىرۋ» باعدارلاماسىنىڭ باسىم باعىتتتارى بويىنشا جۇمىستى جانداندىرۋعا ەرەكشە ەكپىن بەرۋ قاجەت», دەدى ب. تلەپوۆ.
تالقىلاۋ قورىتىندىسى بويىنشا اقپارات جانە قوعامدىق دامۋ ۆيتسە-ءمينيسترى بولات تلەپوۆ باعدارلامانى ودان ءارى ءتيىمدى ىسكە اسىرۋ جونىندە بىرقاتار تاپسىرمالار بەردى.