نۇر-سۇلتان مەن الماتى قالالارىندا ءىرى قىلمىستىق توپ ۇستالدى

«بيىل 1 قازاندا الماتى مەن نۇر-سۇلتاندا قىلمىسكەرلەردى ۇستاۋ بويىنشا ارنايى وپەراتسيا جۇرگىزىلدى, ءتىنتۋ جۇرگىزىلدى, زاتتاي ايعاقتار الىندى», دەدى ءنۇردىلدا وراز.

كريمينالدىق پوليتسيا قىزمەتكەرلەرى ەكى قالادا ەروتيكالىق ماسساج سالوندارىنىڭ اتىن جامىلىپ جەزوكشەلىكپەن اينالىساتىن توپتى انىقتاعان. ونىڭ ۇيىمداستىرۋشىلارى - وزبەكستان مەن قازاقستان ازاماتتارى.

«قىلمىسكەرلەر «OLX», «SATU», «Telegram الەۋمەتتىك جەلىلەرىندە جارناما جاريالاپ, قىزداردى جالاقىسى جوعارى جۇمىسقا ورنالاسۋعا شاقىرعان. سودان كەيىن ولاردى جەزوكشەلىككە تارتقان. پريتون كوتتەدجدەردە ۇيىمداستىرىلدى جانە تاۋلىك بويى, اپتاسىنا جەتى كۇن جۇمىس ىستەگەن», دەدى ءنۇردىلدا وراز.

جاريالانعان اقپاراتقا سايكەس, كۇندەلىكتى تابىس توپ ۇيىمداستىرۋشىسىنا اۋدارىلىپ وتىرعان. ول ايىنا 10-12 ميلليون تەڭگەنى قۇرادى.

بۇعان دەيىن حابارلانعانداي, قازاقستاندا ءبىر اپتا ىشىندە 2877 قىلمىس جاسالدى, ونىڭ 1847-ءسى ءبىر كۇننىڭ ىشىندە اشىلعان.

ء«بىر اپتا ىشىندە قازاقستاندا 2877 قىلمىس جاسالدى, ونىڭ 1847-ءسى 24 ساعات ىشىندە اشىلدى. پوليتسيا ىزدەستىرۋ كەزىندە جەتى كىسى ءولتىرۋ, ولىمگە اكەپ سوققان ەكى قاساقانا اۋىر دەنە جاراقاتى, ەكى توناۋ, 35 قاراقشىلىق, 412  ۇرلىقتى اشتى», دەدى رەسمي وكىل.