دۇنيەجۇزىلىك تازالىق كۇنى (World Cleanup day) جىل سايىن قىركۇيەكتىڭ ءۇشىنشى سەنبىسىندە وتەدى, دەپ جازادى Egemen.kz.
ناۋقاننىڭ نەگىزگى مىندەتى – جۇرتشىلىق نازارىن قورشاعان ورتا تازالىعىنا, قوقىستى بولەك جيناۋ مەن قايتا وڭدەۋگە, ەكولوگيالىق ءومىر سالتىن ۇستانۋعا اۋدارۋ.
سەنبىنىڭ تاڭى اتىسىمەن قازاقستان كوشەلەرىنە ەكولوگيالىق جاعدايعا نەمقۇرايلى قارامايتىن مىڭداعان ادام شىقتى. سولاردىڭ ءبىرى - اقپارات جانە قوعامدىق دامۋ مينيسترلىگىنىڭ قىزمەتكەرلەرى. ولار نۇر-سۇلتاننىڭ ەڭ ماڭىزدى نىشاندارىنىڭ ءبىرى «ماڭگىلىك ەل» سالتانات قاقپاسىنىڭ اينالاسىن تازارتتى.