پرەزيدەنتتىڭ بيىلعى جولداۋىنىڭ حالىققا ەرەكشە اسەرى بولدى. وتكەن جىلىمىز جاقسى قورىتىندىلاندى. ءبىراز جەتىستىكتەرگە جەتىپپىز. ەلباسى كەزەكتى جولداۋىندا «قازاقستان-2050» ستراتەگياسىن ورىنداۋ جوسپارىنا جانە الدىڭعى قاتارلى 30 ەلدىڭ قاتارىنا قوسىلۋ جولدارىنا ەرەكشە كوڭىل ءبولدى. الدىمىزداعى 15-17 جىل قازاقستاننىڭ جان-جاقتى دامىپ ورلەۋى ءۇشىن «مۇمكىنشىلىك تەرەزەسى» بولادى.
پرەزيدەنتتىڭ بيىلعى جولداۋىنىڭ حالىققا ەرەكشە اسەرى بولدى. وتكەن جىلىمىز جاقسى قورىتىندىلاندى. ءبىراز جەتىستىكتەرگە جەتىپپىز. ەلباسى كەزەكتى جولداۋىندا «قازاقستان-2050» ستراتەگياسىن ورىنداۋ جوسپارىنا جانە الدىڭعى قاتارلى 30 ەلدىڭ قاتارىنا قوسىلۋ جولدارىنا ەرەكشە كوڭىل ءبولدى. الدىمىزداعى 15-17 جىل قازاقستاننىڭ جان-جاقتى دامىپ ورلەۋى ءۇشىن «مۇمكىنشىلىك تەرەزەسى» بولادى.
ستراتەگيا بۇل ناقتى جۇمىستاردىڭ باعدارلاماسى, ول جىلدان-جىلعا ەلىمىز بەن قازاقستاندىقتاردىڭ ءومىرىن جاقسارتا تۇسەدى. بىراق ءاربىر قازاقستاندىق ناتيجەلى ەڭبەكتەنۋى كەرەك, سوندا عانا بەرەكە ءار وتباسىنا كەلەدى. ەلدىڭ ەكونوميكاسى عىلىمعا نەگىزدەلەتىن بولادى. عىلىمي زەرتتەۋلەرگە كوپ مولشەردە قارجى ءبولىنەدى. كەلەسى بەس جىلدىقتا نانو جانە كوسموستىق تەحنولوگيالار, گەندىك ينجەنەريا, مۋلتيمەديالىق جانە ءموبيلدى تەحنولوگيالار, روبوتتىق تەحنيكا سالالارى دامىتىلادى, بولاشاقتىڭ ەنەرگياسىن ىزدەپ تابۋ جۇمىستارى جۇرگىزىلەدى.
ءبىلىم بەرۋ سالاسىنا كەلسەك, ەلىمىزدىڭ جوعارى وقۋ ورىندارىنا بىرتىندەپ دەربەستىك بەرىلە باستايدى. بۇل ءار جوعارى وقۋ ورنىنا وقىتۋ باعدارلاماسىن شەتەلدەردىڭ الدىڭعى قاتارلى ۋنيۆەرسيتەتتەرىنىڭ ۇلگىسىمەن دايىنداۋعا, اكادەميالىق ۇتقىرلىقتى ودان ءارى دامىتۋعا ۇلكەن مۇمكىنشىلىك بەرەدى.
تاعى ءبىر قۋانتاتىن جاعداي – ستۋدەنت جاستار مەن ءبىلىم بەرۋ سالاسىنىڭ قىزمەتكەرلەرىنىڭ دە الەۋمەتتىك جاعدايى جاقسارماق. ستۋدەنتتەردىڭ ستيپەندياسى 25 پايىزعا وسەدى, ال ءبىلىم بەرۋ سالاسىنىڭ قىزمەتكەرلەرىنىڭ جالاقىسى 29 پايىزعا ارتادى.
وڭتۇستىك قازاقستان وبلىسىنىڭ ورتالىعى – شىمكەنت قالاسىنىڭ دا بولاشاعى زور. شىرايلى قالامىز استانا, الماتى سياقتى عىلىم مەن ينۆەستيتسيانىڭ, جوعارى ساپالى ءبىلىم بەرۋدىڭ, مەديتسينالىق جانە الەۋمەتتىك قىزمەت كورسەتۋدىڭ ناعىز ورتالىعىنا اينالادى.
جامبىل ايمەنوۆ,
م.اۋەزوۆ اتىنداعى وقمۋ-ءدىڭ
ءبىرىنشى پرورەكتورى.
وڭتۇستىك قازاقستان وبلىسى.