وبلىس اۋماعىندا قىس قىتىمىرلانا تۇسۋدە. توتەنشە جاعدايلار دەپارتامەنتىنىڭ حابارلاۋىنشا, 20 قاڭتاردان باستاپ بارلىق باعىتتارداعى جولداردى جابۋ جيىلەگەن. ماسەلەن, سوڭعى ەكى تاۋلىكتە عانا 127 اۆتوكولىك پەن 246 ادام قار قۇرساۋىندا قالعان. ءىز-ءتۇزسىز كەتكەن بەس ادامنىڭ تورتەۋى تابىلعانىمەن, بىرەۋىنەن ءالى دەرەك جوق. بوران اتباسار اۋدانىنداعى قاراجار اۋىلىندا جەرلەۋ راسىمىنە قاتىسقان 20 كولىك پەن 50 ادامدى ءبىر كۇن بويى ابىگەرگە ءتۇسىردى. قۇتقارۋشىلار ولاردى جاقىن ماڭداعى تەلەمۇنارا عيماراتىندا پانالاتۋعا ءماجبۇر بولعان.
وبلىس اۋماعىندا قىس قىتىمىرلانا تۇسۋدە. توتەنشە جاعدايلار دەپارتامەنتىنىڭ حابارلاۋىنشا, 20 قاڭتاردان باستاپ بارلىق باعىتتارداعى جولداردى جابۋ جيىلەگەن. ماسەلەن, سوڭعى ەكى تاۋلىكتە عانا 127 اۆتوكولىك پەن 246 ادام قار قۇرساۋىندا قالعان. ءىز-ءتۇزسىز كەتكەن بەس ادامنىڭ تورتەۋى تابىلعانىمەن, بىرەۋىنەن ءالى دەرەك جوق. بوران اتباسار اۋدانىنداعى قاراجار اۋىلىندا جەرلەۋ راسىمىنە قاتىسقان 20 كولىك پەن 50 ادامدى ءبىر كۇن بويى ابىگەرگە ءتۇسىردى. قۇتقارۋشىلار ولاردى جاقىن ماڭداعى تەلەمۇنارا عيماراتىندا پانالاتۋعا ءماجبۇر بولعان.
دەپارتامەنتتىڭ جەدەل كەزەكشىسى, كاپيتان اسلان نۇرقانوۆتىڭ مالىمدەۋىنشە, وڭىردە كۇردەلى جاعداي قالىپتاسىپ, قار قۇرساۋىنداعى ادامداردان ساعات سايىن توتەنشە حابارلار تۇسۋدە. ماسەلەن, «الماتى-ەكاتەرينبۋرگ» اۆتوجولى بويىنداعى قازاق بەكەتى ماڭىندا 10 جولاۋشىسى بار ءتورت كولىك قار كەپتەلىسىنە تاپ بولعان. سەمەنوۆ سەلوسىنا تاياۋ جەردە 12 جۇك كولىگى مەن 15 جەڭىل اۆتوماشينا قار استىنان تازارتىپ الىندى. اتباسار اۋدانىنداعى پوكروۆكا-پولتاۆكا سەلولارىنىڭ ارالىعىندا توقتاپ قالعان 10 كولىكتىڭ 20 جولاۋشىسى دا كومەك سۇراۋعا ءماجبۇر بولدى.
سونداي-اق, «قورعالجىن-بارشىن» جولىندا جەتى جۇك كولىگى مەن 15 جولاۋشىسى بار اۆتوبۋس قۇتقارۋشىلار تاراپىنان جۇرگىزىلگەن شارالار ناتيجەسىندە قاۋىپسىز جەرگە جەتكىزىلدى. ال, استانا ماڭىندا بوران 11 جۇك جانە 25 جەڭىل كولىكتەرىن قالىڭ قارمەن شەگەندەپ تاستاعان. مۇنداعى 40 جولاۋشى دا جىلى ورىندارعا جەتكىزىلدى.
اۋا رايىنىڭ كۇرت بۇزىلۋى تۋرالى ەسكەرتۋگە قاراماستان, كەشكىسىن مالدارىن ىزدەۋگە شىققان جاقسى اۋدانىنداعى تاراسوۆ اۋىلىنىڭ تۇرعىندارى نۇرحان سايزيروۆ پەن دۋمان ىسقاقوۆتان ۇزاق ۋاقىت حابار بولماعان. ىزدەۋ بريگاداسى ولاردى تاڭ اتا تاۋىپ, اۋداندىق اۋرۋحاناعا جەتكىزدى. شورتاندى پوسەلكەسى مەن ستەپنوي سەلوسى ارالىعىندا اداسقان گرۋزوۆ پەن ودوۆەنكو دا قۇتقارۋشىلار كومەگىمەن ۇيلەرىنە ورالدى. بىراق, ءىزدەۋ شارالارىنىڭ ءبارى ءساتتى اياقتالىپ جاتپاعانىن ايتۋىمىز كەرەك. ماسەلەن, كەشكىسىن اقكول قالاسىنان دومبىرالى اۋىلىنا جاياۋ شىققان جيىرما بەس جاسار ۆيتالي كريكوۆليۋكتى ىزدەستىرۋ ەكى تاۋلىككە سوزىلعانىمەن ناتيجە بەرمەي تۇر.
قار قۇرساۋىنداعى كەپتەلىس سالدارىنان جولدى تازارتۋ جۇمىستارى قيىنداي تۇسۋدە.
باقبەرگەن امالبەك,
«ەگەمەن قازاقستان».
اقمولا وبلىسى.