باس پروكۋرور عيزات نۇرداۋلەتوۆتىڭ توراعالىعىمەن زاڭدىلىقتى, قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسى وتكىزىلىپ, وندا ەكونوميكالىق كونترابانداعا قارسى ءىس-قيمىل ماسەلەلەرى قارالدى. ونىڭ جۇمىسىنا ۇيلەستىرۋ كەڭەسىنىڭ مۇشەلەرى, وبلىستاردىڭ پروكۋرورلارى, قۇقىق قورعاۋ, ورتالىق جانە جەرگىلىكتى مەملەكەتتىك ورگانداردىڭ باسشىلارى قاتىستى.
وتىرىستى اشا وتىرىپ, باس پروكۋرور ەكونوميكالىق كونتراباندا مەملەكەتكە ەلەۋلى زالال كەلتىرەتىنىن, وتاندىق بيزنەس ءۇشىن تەڭ ەمەس باسەكە تۋدىراتىنىن اتاپ ءوتتى. 5 جىل ىشىندە رەسپۋبليكا بويىنشا كەدەن سالاسىندا 700-دەن اسا قىلمىستىق قۇقىق بۇزۋشىلىق تىركەلگەن.كەڭەستە قارجى مونيتورينگى اگەنتتىگى مەن مەملەكەتتىك كىرىستەر كوميتەتىنىڭ قابىلداپ وتىرعان شارالارى تۋرالى باياندامالار تىڭدالدى.شەتەلدىك مەملەكەتتەرمەن اقپارات الماسۋ, ىشكى نارىقتى زاڭسىز يمپورتتان قورعاۋ جانە كەدەندىك بەكەتتەردى تەحنيكالىق جاراقتاندىرۋ ماسەلەلەرى تالقىلاندى.ع.نۇرداۋلەتوۆ «قازاقستاندا كولىكتىڭ شەكارادا ورىنسىز تۇرىپ قالۋ فاكتىلەرىن بولدىرماي, قابىلدانىپ وتىرعان شارالار ادال بيزنەس ءۇشىن كەدەرگى كەلتىرمەۋى كەرەك» دەپ اتاپ ءوتتى.ءىس-شارا قورىتىندىسىمەن ۇيلەستىرۋ كەڭەسىنىڭ مۇشەلەرى شەكاراداعى زاڭسىز ساۋدا اينالىمىنا قارسى كۇرەس بويىنشا ۇسىنىمدار بەردى.
«ەگەمەن-اقپارات»