قانداي قوعامدىق بىرلەستىكتىڭ قىزمەتى دە باقىلانۋعا ءتيىس. ەڭ الدىمەن ونىڭ ءوزىنىڭ تاراپىنان. «نۇر وتان» پارتياسىنىڭ ىشكى پارتيالىق ءتارتىپ ماسەلەلەرى بويىنشا تۇراقتى جۇمىس ىستەيتىن باقىلاۋشى ورگانى – پارتيالىق باقىلاۋ كوميتەتى. ول ءوز جۇمىسىندا پارتيانىڭ جارعىسى مەن باعدارلامالىق قۇجاتتارىن, كوميتەت تۋرالى ەرەجەنى جانە پارتيا مۇشەلەرىنىڭ پارتيالىق ءتارتىپتى ساقتاۋىن باقىلاۋىن ۇيىمداستىرۋ جونىندەگى رەگلامەنتتى باسشىلىققا الادى. كەشە پارتيا توراعاسىنىڭ ءبىرىنشى ورىنباسارى باۋىرجان بايبەك قول قويعان قاۋلىعا سايكەس جاڭا قۇرامى بەكىتىلگەن كوميتەتتىڭ العاشقى وتىرىسى وتكىزىلدى.
قانداي قوعامدىق بىرلەستىكتىڭ قىزمەتى دە باقىلانۋعا ءتيىس. ەڭ الدىمەن ونىڭ ءوزىنىڭ تاراپىنان. «نۇر وتان» پارتياسىنىڭ ىشكى پارتيالىق ءتارتىپ ماسەلەلەرى بويىنشا تۇراقتى جۇمىس ىستەيتىن باقىلاۋشى ورگانى – پارتيالىق باقىلاۋ كوميتەتى. ول ءوز جۇمىسىندا پارتيانىڭ جارعىسى مەن باعدارلامالىق قۇجاتتارىن, كوميتەت تۋرالى ەرەجەنى جانە پارتيا مۇشەلەرىنىڭ پارتيالىق ءتارتىپتى ساقتاۋىن باقىلاۋىن ۇيىمداستىرۋ جونىندەگى رەگلامەنتتى باسشىلىققا الادى. كەشە پارتيا توراعاسىنىڭ ءبىرىنشى ورىنباسارى باۋىرجان بايبەك قول قويعان قاۋلىعا سايكەس جاڭا قۇرامى بەكىتىلگەن كوميتەتتىڭ العاشقى وتىرىسى وتكىزىلدى.
پارتيالىق باقىلاۋ كوميتەتىنىڭ توراعاسى – «نۇر وتان» پارتياسى ساياسي كەڭەسى بيۋروسىنىڭ مۇشەسى, پارلامەنت ءماجىلىسىنىڭ دەپۋتاتى قۋانىش سۇلتانوۆ الدا تۇرعان مىندەتتەردى سارالاي ايتىپ, جۇمىستى جاڭاشا ۇيىمداستىرۋ, كوميتەت كوكجيەگىن كەڭەيتۋ جونىندەگى ماسەلەلەردى قوزعادى. كوميتەت مۇشەلەرى – توراعانىڭ ورىنباسارى سەرىكجان قاناەۆ, پارلامەنت دەپۋتاتتارى سەرگەي گروموۆ, ۆلاديمير رەدكوكاشين, يرينا ارونوۆا, مايرا ايسينا, پارتيانىڭ ورتالىق اپپاراتىنىڭ باسشىسى قۇمار اقساقالوۆ, «نۇر وتان» پارتياسى ساياسي كەڭەسىنىڭ مۇشەسى ساۋىتبەك ابدراحمانوۆ, پارتيانىڭ ورتالىق باقىلاۋ-تەكسەرۋ كوميسسياسىنىڭ مۇشەسى ءانۋار ءىلياسوۆا, «نۇر وتان» پارتياسى ساياسي كەڭەسىنىڭ مۇشەسى اباي بايگەنجين, «نۇر وتان» پارتياسىنىڭ مۇشەسى بولات ىسقاقوۆ, كوميتەت حاتشىسى مارات ءجۇنىسوۆ پارتيالىق باقىلاۋ كوميتەتى ەرەجەسىنىڭ جوباسى, كوميتەتتىڭ 2014 جىلعى جۇمىس جوسپارى تۋرالى ۇسىنىستارىن ايتىپ, وي-پىكىرلەرىمەن ءبولىستى.
«ەگەمەن-اقپارات».