ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ عالىمدارى شىعىس قازاقستان وبلىسىنىڭ اباي اۋدانىنا قاراستى توقتامىس اۋىلى ماڭىنان وسىدان 4 مىڭ جىل بۇرىنعى ەسكەرتكىشتەردى تاپتى. قازبا جۇمىستارىن جۇرگىزۋ كەزىندە توپىراق استىنداعى تاس قابىرعالاردان جىلقى مەن اڭداردىڭ سۋرەتتەرى شىققان.
وتاندىق عالىمدار كونە قۇرىلىستىڭ ىشىنەن تابىلعان ادام مەن جانۋارلاردىڭ سۇيەكتەرىن جاپوندىق ارىپتەستەرىمەن بىرلەسە زەرتتەي كەلە, ەسكەرتكىش وسىدان 3 856 جىل بۇرىن تۇرعىزىلعان دەپ وتىر.
ەۇۋ ارحەولوگيا جانە ەتنولوگيا كافەدراسىنىڭ مەڭگەرۋشىسى ۇلان ۇمىتقاليەۆ:
– توقتامىس اۋىلىنداعى قازبا جۇمىستار جەتى جىل بۇرىن باستالعان, سوڭعى ەكى جىلدان بەرى زەرتتەلىپ كەلەدى. ەرتە قولا داۋىرىنە تيەسىلى بۇل ەسكەرتكىشتەردىڭ قۇرىلىسىنا, ءبىزدىڭ پايىمداۋىمىزشا, 10 مىڭ توننا تاس پايدالانىلعان, – دەيدى.
«ەگەمەن-اقپارات»