«رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ وتباسى ينستيتۋتىن زەرتتەۋ ورتالىعى وتباسى كۇنىنە وراي وتكىزىلەتىن رەسپۋبليكالىق ۆيدەوروليكتەردىڭ ونلاين كونكۋرسى جونىندە ايتتى. قازاقستاندا بيىل اتالمىش مەرەكە قىركۇيەكتىڭ 12-دە اتالىپ وتەتىن بولادى, دەپ حابارلايدى Egemen.kz.
بەينەوليكتەردىڭ ونلاين كونكۋرسى ەكى باعىت بويىنشا ۇيىمداستىرىلاتىن بولادى: وتباسى قۇندىلىقتارىنا بايلانىستى «وتباسى قۇندىلىقتارىنىڭ ساندىقشاسى» جانە بالالارعا ارنالعان ەرتەگىلەر بويىنشا «ەرتەگىلەر الەمى». ءار باعىت بويىنشا جەڭىمپازدارعا ارنالعان جۇلدە قورى 100 مىڭ تەڭگەنى قۇرايدى. كونكۋرس تامىز ايىنىڭ 9 مەن قىركۇيەك ايىنىڭ 9 ارالىعىندا وتكىزىلەدى.
كونكۋرسقا قاتىسۋشىلار 1-3 مينۋتتىق بەينەروليكتە ءوز وتباسىنىڭ قۇندىلىقتارى مەن ءداستۇرى جونىندە نەمەسە بالالارعا ارنالعان ەرتەگى تۇرىندەگى قىسقا بەينەونىم ۇسىنا الادى.
بارلىق بەينەونىمدەر رەسمي سايت پەن ققدي-ءدىڭ بارلىق الەۋمەتتىك جەلىلەرىندە, ياعني ارنايى Instagram جانە Facebook جەلىلەرىندە اشىلعان @kiorotbasy2021 پاراقشالارىندا #kiorotbasy2021 #كيورسەميا2021 حەشتەگتەرىمەن ورنالاستىرىلادى. ونلاين كونكۋرستىڭ جەڭىمپازدارى Instagram جەلىسىندەگى ورنالاستىرىلعان ۆيدەونىڭ استىنداعى جينالعان لايك سانىمەن ونلايىن داۋىس بەرۋ ارقىلى انىقتالادى.
ۆيدەوروليكتەر كونكۋرسىنىڭ قورىتىندىسى 2021 جىلدىڭ 10 قىركۇيەگىندە بەلگىلى بولادى.