كەشە پارلامەنت ءماجىلىسىنىڭ توراعاسى نۇرلان نىعماتۋلين اقش-تىڭ قازاقستانداعى ۋاقىتشا سەنىمدى وكىلى دجون وردۆەيمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەشە پارلامەنت ءماجىلىسىنىڭ توراعاسى نۇرلان نىعماتۋلين اقش-تىڭ قازاقستانداعى ۋاقىتشا سەنىمدى وكىلى دجون وردۆەيمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كۇن تارتىبىندەگى ماڭىزدى ماسەلەلەردى تالقىعا سالعان كەزدەسۋ يەلەرى ەلباسىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىندا ايتىلعان باسىم باعىتتاردى العا تارتا كەلىپ, قازاقستاننىڭ دامۋ بولاشاعىن ءسوز ەتتى.
ءماجىلىس توراعاسىنىڭ اتاپ وتكەنىندەي, قازاقستان پارلامەنتشىلەرىنىڭ الدىندا يننوۆاتسيالىق يندۋستريالاندىرۋدى ودان ءارى ىلگەرىلەتۋ, اگروونەركاسىپتىك كەشەندى, ينفراقۇرىلىمداردى دامىتۋ, قازاقستاندىقتاردى الەۋمەتتىك قورعاۋدى جاقسارتۋ, شاعىن جانە ورتا بيزنەس پەن مەملەكەتتىك ينستيتۋتتار جۇمىستارىن ودان ءارى ورىستەتۋ ءۇشىن زاڭنامالىق تەتىكتى جەتىلدىرۋ ماسەلەلەرىنە ارنالعان اسا اۋقىمدى مىندەتتەر تۇر.
ءوز كەزەگىندە دجون وردۆەي ەلباسى جولداۋىنىڭ قازاقستان ءۇشىن جاڭا مۇمكىندىكتەر كوكجيەگىن كەڭەيتەتىنىن باسا ايتا كەلىپ, ءبىزدىڭ ەلىمىزدىڭ جوعارى دامۋ قارقىنىنا توقتالدى.
قازاقستاننىڭ سىرتقى ساياسي قىزمەتى, اتاپ ايتار بولساق, ءبىزدىڭ ەلىمىزدىڭ اۋعانستانداعى جاعدايدى تۇراقتاندىرۋعا قاتىسۋ جايى دا نازاردان تىس قالمادى.
ءماجىلىس سپيكەرى قازاقستان زاڭناماشىلارىنىڭ, اسىرەسە, سالالىق كوميتەتتەر جانە ءماجىلىس پەن اقش كونگرەسىنىڭ ىنتىماقتاستىق جونىندەگى توپتارى ارقىلى قوس ەل اراسىنداعى پارلامەنتتىك بايلانىستى دامىتۋعا ايرىقشا نازار اۋداراتىنىن اتاپ ءوتتى.
نۇرلان نىعماتۋلين مەن دجون وردۆەي الداعى ۋاقىتتا دا ءوزارا تابىستى ىقپالداستىقتى ىلگەرىلەتۋدە قازاقستان مەن اقش الەۋەتىنىڭ زور ەكەندىگىن اتاپ ءوتتى.