الداعى اقپان ايىندا رەسەيدىڭ سوچي قالاسىندا وتەتىن قىسقى وليمپيا ويىندارى كەزىندە قازاقستاننىڭ 2017 جىلى وتەتىن EXPO حالىقارالىق كورمەسى مەن 2022 جىلى الماتىدا ءوتۋى مۇمكىن كەلەسى قىسقى وليمپياداعا دايىندىعى تۋرالى تانىستىرىلىمى وتەدى. بۇل تۋرالى سپورت جانە دەنەشىنىقتىرۋ ىستەرى اگەنتتىگىنىڭ ءباسپاسوز حاتشىسى باقىتبەك حاميت حابارلادى.
ونىڭ ايتۋىنشا, تانىستىرىلىم فيلمدەر سوچيدەگى قازاقستاننىڭ ءباسپاسوز ورتالىعىندا وتەدى. قازىردەن باستاپ اگەنتتىك وسى شاراعا دايىندىق جۇمىستارىن جۇرگىزۋدە. «2017 جىلى استانادا EXPO حالىقارالىق كورمەسىنىڭ وتەتىنىن بىلەسىزدەر. بيىل كوكتەمدە كورمە وتەتىن جەردە قۇرىلىس باستالادى. قازىر كورمەنىڭ جوباسى دايىن. وسى جوبانى وليمپيادا كەزىندە شەتەلدىكتەرگە تاعى دا تانىستىرۋدى ءجون كورىپ وتىرمىز. ال 2022 جىلعى قىسقى وليمپياداعا كەلسەك, ازىرشە ول قاي ەلدىڭ قالاسىندا وتەتىنى بەلگىسىز. الايدا قولدا بار مالىمەتتەرگە قاراعاندا, وسى كۇندەرى الماتى ەڭ باستى ۇمىتكەر قالالاردىڭ ءبىرى رەتىندە ءجيى اتالىپ ءجۇر. بىزدىڭ ەل ءتورت جىلدا ءبىر كەلەتىن وليمپيادانى قابىلداۋعا ءۇمىتتى. ءبىز سوچيدە وسى دودانى وتكىزۋگە مۇمكىندىگىمىز بار ەكەنىن كورسەتكىمىز كەلەدى», دەيدى ول.
داستان كەنجالين.
دەرەككوز: سپورت جانە دەنەشىنىقتىرۋ ىستەرى اگەنتتىگىنىڭ ءباسپاسوز حاتشىسى باقىتبەك حاميت.