بۇگىن مەملەكەت باسشىسى ن. نازارباەۆ بۇكىلالەمدىك تاەكۆوندو فەدەراتسياسىنىڭ پرەزيدەنتى چۋنگۆون چومەن كەزدەستى.بۇل تۋرالى اقوردانىڭ باسپاسوز قىزمەتى حابارلادى.
كەزدەسۋدە قازاقستان پرەزيدەنتى بۇكىلالەمدىك تاەكۆوندو فەدەراتسياسى باسشىسىنىڭ ساپارى ەلىمىزدە سپورتتىڭ وسى ءتۇرىنىڭ دامۋىنا ودان ءارى سەرپىن بەرەتىنىن ايتىپ, ريزاشىلىعىن ءبىلدىردى. «بۇگىندە ءبىزدىڭ ەلىمىزدە سپورتتىق جەكپە-جەكتىڭ وسى تۇرىمەن 11 مىڭ ادام بەلسەنە اينالىسۋدا, 250-گە جۋىق جاتتىقتىرۋشى جۇمىس ىستەيدى. قازاقستاندىق سپورتشىلار الەمدىك جارىستاردا 9 قولا مەدال يەلەندى, ال ازيالىق دەڭگەيدە التىن مەدال دا بار. ءبىزدىڭ ەلدە بۇل تاماشا سپورت ءتۇرى ودان ءارى دامي بەرەدى دەگەن ءۇمىتىمىز زور. سەبەبى, ول جاستاردى تاربيەلەۋگە جانە سالاماتتى ءومىر سالتىن ناسيحاتتاۋعا باعىتتالعان. مەن ءسىزدىڭ ساپارىڭىز جاستاردىڭ نازارىن وسى سپورت تۇرىنە ودان ءارى اۋدارا تۇسەدى دەپ سەنەمىن, – دەدى نۇرسۇلتان نازارباەۆ.
وسىدان كەيىن چۋنگۆون چوتاەكۆوندونىڭ قازاقستاندا جەدەل دامىپ كەلە جاتقانىن, ال سپورتشىلاردىڭ ءوزى ودان حالىقارالىق ارەنادا ۇلكەن جەتىستىكتەرگە جەتىپ وتىرعانىن ايتتى. سونىمەن قاتار, كەزدەسۋدە جالپى جانە سپورتتىق مەديتسينا سالاسىنداعى قازاقستان مەن كورەيا رەسپۋبليكاسى اراسىنداعى ءوزارا ىقپالداستىق, دەنساۋلىق ساقتاۋ سالاسىنىڭ الەمدىك ستاندارتتارىن ەنگىزۋ جونىندەگى جوبالاردى ىسكە اسىرۋ ماسەلەلەرى قارالدى.
كەزەدسۋ سوڭىندا چو نۇرسۇلتان نازارباەۆقا تاەكۆوندو (WTF) بويىنشا قۇرمەتتى توعىزىنشى دان دارەجەسى بەلگىسىن, سونداي-اق ءتيىستى بەلبەۋ مەن كيمونونى تاپسىردى.
مەملەكەت باسشىسى بۇل كيمونو الداعى ۋاقىتتا تحەكۆوندو بويىنشا جوعارى دان يەلەنگەن قازاقستاندىق سپورتشىعا تاپسىرىلاتىنىن ايتتى.
داستان كەنجالين.
دەرەككوز: http://www.akorda.kz/
فوتو:http://www.akorda.kz/