تەننيستەن جاسوسپىرىمدەر اراسىندا بىرىككەن اراب امىرلىكتەرىنىڭ ءابۋ-دابي قالاسىندا وتكەن حالىقارالىق تۋرنيردە قازاقستاندىق گۇزەل اينيتدينوۆا جەڭىمپاز اتاندى. بۇل تۋرالى egemen.kz ءتىلشىسى حابارلادى.
«Team Kazakhstan» كومانداسىنىڭ شاكىرتى الدىمەن تۇركىمەن تەننيسشىسى جاھان بايراموۆانى 6:4, 6:3 ەسەبىمەن ۇتسا, ەكىنشى كەزەڭدە ءۇندى سپورتشىسى - ريكەتح پەرەيرادان 6:1, 6:2 ەسەبىمەن باسىم ءتۇستى. ودان كەيىن شيرەك فينالدا گۇزەل رەسەيلىك تەننيسشى اناستاسيا چيكالكينانى 6:4, 6:2 ەسەبىمەن جەڭسە, جارتىلاي فينالدا ول تاعى ءبىر رەسەيلىك رالينا كاليمۋللينادان ايلاسىن اسىردى. ەسەپ – 7:6(1), 6:4. ال فينالدا گۇزەل ۇلىبريتانيالىق ەدەن ريچاردسوندى 3:6, 6:3, 6:3 ەسەبىمەن ۇتتى.
داستان كەنجالين.
دەرەككوز: www.ktf.kz