تۇركيادا حالىق تاعى دا ەرەۋىلگە شىقتى

بۇگىن تۇركيانىڭ بىرقاتار قالالارىندا تاعى دا ەرەۋىل باستالدى. بۇل تۋرالى Ras.kz حابارلادى.

جۇرتشىلىقتىڭ بىرقاتار بولىگى بەيسەنبى كۇنى ەل پارلامەنتى قولداعان عالامتورعا شەكتەۋ ەنگىزۋ تۋرالى زاڭ جوباسىنا قارسىلىق ءبىلدىرىپ جاتىر. مۇنداي ەرەۋىلدەر انكارا, انتاليا, بۋرسا, كارابيۋك, مەرسينا, سامسۋن, ەسكيشەحيرسپور قالالارىندا ورىن الدى.

ستامبۋل قالاسىندا پوليتسيا مەن قاۋىپسىزدىك كۇشتەرى حالىققا ءتىپتى كۇش كورسەتىپ, جينالعانداردى تارقاتۋعا كىرىستى. قالاداعى جاعداي شيەلەنىسە تۇسكەن. ساقشىلار جينالعان حالىققا سۋ شاشىپ, قوزعالىستارىن شەكتەۋ ءۇشىن ارنايى شەپ قۇرىپ وتىر. ايتا كەتەيىك, بۇل زاڭ جوباسى بويىنشا مەملەكەت جەلىدەگى قاۋىپتى دەپ تانىعان سوزدەر مەن سايتتاردى جاۋىپ تاستاپ, تۇرعىنداردى تولىق باقىلاي الادى. ساراپشىلاردىڭ پىكىرىنشە, مۇنداي شەشىم دەموكراتياعا قايشى. «ول ازاماتتاردىڭ قۇقىعىن شەكتەپ, جەكە ومىرىنە قول سۇعۋ دەپ باعالانادى»,ىۆ – دەيدى ماماندار.

ايدار ورىسباەۆ.

دەرەككوز: Ras.kz

فوتو: Reuters.com