كەشە تايلاند استاناسى بانگكوكتا وپپوزيتسيا وكىلدەرىنە شابۋىل جاسالدى. ناتيجەسىندە ءبىر ادام قازا بولىپ, تاعى 37-ءسى ءتۇرلى جاراقات الدى. بۇل تۋرالى يتار-تاسس حابارلادى.
پوليتسيا دەرەگى بويىنشا, ۇكىمەتكە قارسى ۇيىمداردىڭ نارازىلىق شەرۋى بولىپ وتكەن بانتاد تونگ كوشەسىندە جارىلىس ورىن العان. كۋاگەرلەر جارىلىستىڭ نارازىلىق شەرۋىن باسقارعان وپپوزيتسيا جەتەكشىسى سۋتەپ تاۋگسۋباننان 200 مەتر قاشىقتىقتا بولعانىن ايتادى. وپپوزيتسيا وكىلى جاپا شەككەن جوق. ەرەۋىلگە قاتىسۋشىلاردىڭ ايتۋى بويىنشا, جارىلعىش زات شەرۋ ءوتىپ بارا جاتقان كوشە بويىنداعى عيماراتتان لاقتىرىلعان.
سۋتەپ تاۋگسۋبان بولعان وقيعاعا تايلاند ۇكىمەتىنىڭ قاتىسى بار دەگەن مالىمدەمە جاسادى. ال پرەمەر-مينيستر ينگلاك چينوۆات بولسا, بۇل ايىپتىڭ شىندىققا ۇلاسپايتىنىن ايتىپ, اتالمىش وقيعاعا جاۋاپتىلاردى تاۋىپ, ولاردى جازالاۋ ءۇشىن قاجەتتى شارالار اتقارىلاتىنىن العا تارتتى.
ايدار ورىسباەۆ.
دەرەككوز: Itar-tass.com
فوتو: Itar-tass.com