قر ەنەرگەتيكا مينيسترلىگى 2021 جىلعى قاڭتار-شىلدە ايلارىنىڭ قورىتىندىسى بويىنشا وتىن-ەنەرگەتيكالىق كەشەننىڭ اعىمداعى جاعدايى تۋرالى جاريالادى, دەپ حابارلايدى Egemen.kz.
«كورسەتىلگەن كەزەڭدە مۇناي جانە كوندەنسات ءوندىرۋ كولەمى 49,8 ملن توننانى قۇراپ, جوسپار 99% ورىندالدى. تەڭىز جوباسىندا اتالعان كەزەڭدە 15,9 ملن توننا مۇناي ءوندىرىلدى, جوسپار 100 پايىزعا اتقارىلدى. قاراشىعاناق جوباسىنىڭ كورسەتكىشى 6,9 ملن توننانى قۇرادى, بۇل كورسەتكىش بيىلعى جەتى ايدىڭ جوسپارىنا قاراعاندا 95,1%-دى قامتىدى», دەپ جازىلعان مينيسترلىك مالىمەتىندە.
ورىنبور گاز وڭدەۋ زاۋىتىنداعى جوسپاردان تىس جوندەۋ جۇمىستارىنىڭ جۇرگىزىلۋىنە وراي, قاراشىعاناق كەن ورنىنان جەتكىزىلەتىن گازدى قابىلداۋدى شەكتەۋ سەبەبىنەن, ەسەپتى ايدىڭ جوسپارىنىڭ كورسەتكىشىنەن تومەن بولۋىنا الىپ كەلدى.
«سولتۇستىك كاسپي جوباسى – قاشاعاندا مۇناي ءوندىرۋ كولەمى – 8,7 ملن توننا بولدى, ياعني قاڭتار-شىلدە ايلارىنىڭ جوسپارى 100% ورىندالدى. ەسەپتى كەزەڭدە 39,3 ملن توننا مۇناي ەكسپورتتالدى, اعىمداعى جىلعى قاڭتار-شىلدە ايلارىنىڭ جوسپارى 100%-عا ورىندالدى» دەپ اتالىپ وتكەن ۆەدومستۆو حابارلاماسىندا.