اتىراۋداعى جانساقتاۋ بولىمىندە قاۋىپتى ۆيرۋسقا شالدىققان 95 ناۋقاس وقشاۋلانعان, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا قاراعاندا, ينفەكتسيالىق ستاتسيونارلاردا كوروناۆيرۋس ينفەكتسياسىن جۇقتىرعان 1 676 ناۋقاس ەمدەلىپ جاتىر.
«قازىر 3 012 توسەك-ورنى بار ستاتسيونارلارداعى جۇكتەمە 55,6%-دى قۇرايدى. ال, 114 توسەك-ورىنعا ارنالعان جانساقتاۋ بولىمىندە جاعدايى اۋىر 95 ناۋقاس ەمدەلىپ جاتىر. ونىڭ ىشىندە 12 پاتسيەنت وكپەنى جاساندى جەلدەتۋ اپپاراتىنا قوسىلعان. بۇل بولىمدەگى جۇكتەمە 83,3%-عا جەتتى», دەپ ءمالىم ەتتى باسقارمانىڭ ءباسپاسوز قىزمەتى.