«قازتەمىرترانس» اق باسقارما توراعاسىنىڭ مىندەتىن اتقارۋشى عالىم قاشقىنباەۆ ءوز ەركىمەن قىزمەتتەن كەتتى, دەپ حابارلايدى Egemen.kz قتج ءباسپاسوز قىزمەتىنە سىلتەمە جاساپ.
«قازتەمىرترانس» اق باسقارما توراعاسى بولىپ ەركىن بازارحانوۆ تاعايىندالدى.
ول ەڭبەك جولىن بۇرىنعى تالدىقورعان وبلىسىندا باستاعان. جەكە قۇرىلىمداردا, مەملەكەتتىك ورگانداردا, سونىڭ ىشىندە ورتالىق جانە جەرگىلىكتى اتقارۋشى ورگانداردىڭ ايماقتىق بولىمدەرىندە, قر پرەزيدەنتى اكىمشىلىگىندە ءتۇرلى قىزمەتتەر اتقارعان.
«قازتەمىرترانس» اق - قر جۇك ۆاگونى پاركىنىڭ ءىرى وپەراتورى. كومپانيا جۇك ۆاگوندارىمەن قامتاماسىز ەتۋ, تەمىر جول كولىگىن جالعا بەرۋ, مەتالل جيىنتىقتارىن ساقتاۋ جانە پايدالانۋعا بەرۋمەن اينالىسادى.