قازىرگى تاڭدا كاسىپكەرلەرگە Ashyq جۇيەسىن پايدالانۋ مىندەت. جاقىندا «اتامەكەن» ۇكپ وسى جۇيەمەن جۇمىس ىستەيتىن بيزنەسمەندەردى مەملەكەت قولداۋ كەرەكتىگىن ايتىپ, مەملەكەت باسشىسىنا ۇسىنىسپەن شىققان ەدى.
«اتامەكەن» ۇلتتىق كاسىپكەرلەر پالاتاسى جاقىندا ۇكىمەتكە بيزنەستىڭ قاتاڭ كارانتيندەگى جۇمىس الگوريتمىن ۇسىنعان ەدى. كەيىن مەملەكەت باسشىسىنىڭ قاتىسۋىمەن وتكەن كەڭەيتىلگەن كەڭەستە ۇلتتىق پالاتانىڭ بىرقاتار ۇسىنىسى قابىلدانعان بولاتىن.
جالپى پالاتا Ashyq جوباسى ارقىلى انىقتالىپ جاتقان فاكتىلەردىڭ ازايماي وتىرعانىن ايتىپ كەلەدى. ولاردىڭ مالىمەتىنشە, بۇگىنگە دەيىن Ashyq-قا 18 014 نىسان قوسىلعان. جوبا اياسىندا ادال قىزمەت اتقارماي وتىرعان, ياعني كەلۋشىلەردىڭ مارتەبەسىن تەكسەرمەي وتكىزگەن 1588 بيزنەس سۋبەكتى جوبادان الىنىپ تاستالعان. ارينە, قازىرگىدەي پاندەميا كەزىندە بۇل – بيزنەس وكىلدەرىنە ايتارلىقتاي سوققى. ويتكەنى باس سانيتارلىق دارىگەردىڭ قاۋلىسى بويىنشا, تەك جۇيەگە قوسىلعان كاسىپكەرلىك نىساندارى عانا جۇمىسىن ءارى قاراي جالعاستىرا الادى. سوندىقتان ۇكپ كاسىپكەرلەرگە Ashyq جوباسىنىڭ تيىمدىلىگىن كۇندەلىكتى ءتۇسىندىرىپ, بيزنەستى ادال اتقارۋعا شاقىرىپ كەلەدى.
سىرتتاي قاراعاندا Ashyq جۇيەسىنە تىركەلۋ وڭاي سياقتى كورىنەدى. باعامداساق, كاسىپكەرلىك نىساندارىن جۇيەگە قوسۋ ۇزاققا سوزىلاتىن, بيۋروكراتيالىق كەدەرگىلەرگە اكەلەتىن پروتسەسس كورىنەدى. مۇنى باستان كەشكەن كەيبىر كاسىپكەر پالاتاعا جەتكىزىپ, ماسەلەنى شەشىپ بەرۋدى سۇراعان ەكەن. وسىدان كەيىن «اتامەكەن» باسشىلىعى مەملەكەت باسشىسىنا شىعىپ, بيزنەس سۋبەكتىلەرىن Ashyq جوباسىن پايدالاناتىنداردىڭ قاتارىنا قوسۋ تالاپتارىن وڭايلاتۋدى سۇراعان.
«اتامەكەن» ۇكپ ۇسىنىستارىن مەملەكەت باسشىسى نازاردان تىس قالدىرمادى. «بۇل جۇيەنىڭ وپەراتورى «اتامەكەن» ۇلتتىق كاسىپكەرلەر پالاتاسى بولعانىنا قاراماستان, وبەكتىلەردى تىزىمگە قوسۋ تالاپتارىن وڭايلاتۋدى قايتا قاراۋ قاجەت. مەملەكەت Ashyq جانە وزگە دە تسيفرلى قۇرالداردى پايدالاناتىن بيزنەس نىساندارىن قولداۋعا ءتيىس. ەكىنشى جاعىنان, مۇنداي مونيتورينگ شارالارىن ەلەمەيتىن كاسىپكەرلەردى قاتاڭ جازالاۋ كەرەك. بۇل ماسەلە اكىمدەردىڭ ەرەكشە باقىلاۋىندا بولۋى كەرەك. سونىمەن قاتار سوڭعى ۋاقىتتا ۆيرۋس جۇقتىرعاندارمەن بايلانىستا بولعاندار, ياعني قوعامدىق ورىندارعا باراتىن «قىزىل» جانە «سارى» مارتەبەسى بار ادامدار سانى ارتىپ جاتىر», دەگەن ەدى پرەزيدەنت.
سونداي-اق مەملەكەت باسشىسى ۆيرۋسقا قارسى جاپپاي يممۋنيتەت قالىپتاستىرۋعا كاسىپكەرلەر دە بەلسەندى اتسالىسۋ كەرەكتىگىن ەسكەرتتى. «ۆاكتسينالاۋ ماسەلەسىندە وتاندىق بيزنەستىڭ ىمىراشىلدىق ۇستانىمى وتە ماڭىزدى. ويتكەنى ۇجىمدىق يممۋنيتەتكە قول جەتكىزبەستەي بيزنەسكە قويىلعان سانيتارلىق شەكتەۋ شارالارىن تولىعىمەن الىپ تاستاۋ مۇمكىن ەمەس. ءبىز بارلىق قۇرال, سونىڭ ىشىندە الەۋمەتتىك جەلىلەر ارقىلى ۆاكتسينانىڭ ماڭىزىن ايتىپ, ەلدىڭ ساناسىنا سەنىم ۇيالاتا ءبىلۋىمىز كەرەك. باتىستىڭ كەيبىر دامىعان ەلىندە سەندىرۋ ادىستەرى ماجبۇرلەۋ شارالارىنا اۋىستى. تەك ءىرى ەڭبەك ۇجىمدارىنىڭ قىزمەتىمەن بايلانىستى ەرەكشە جاعدايلاردى قوسپاعاندا, ءبىز مۇنداي شارالاردى قابىلدامايمىز», دەدى پرەزيدەنت.