ەلدەستىرمەك – ەلشىدەن

كەشە اقوردادا مەملەكەت باسشىسى نۇرسۇلتان نازارباەۆ جاڭادان تاعايىندالعان قازاقستان رەسپۋبليكاسىنداعى ەلشىلەردەن سەنىم گراموتالارىن قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.

پرەزيدەنتكە ۇلىبريتانيا جانە سولتۇستىك يرلانديا كورول­دى­گىنىڭ توتەنشە جانە وكىلەتتى ەل­شىسى دەۆيد دجون موران, بەلارۋس رەسپۋبليكاسىنىڭ توتەنشە جانە وكىلەتتى ەلشىسى ۆالەري برىلەۆ, يران يسلام رەسپۋبليكاسىنىڭ توتەنشە جانە وكىلەتتى ەلشىسى گوربان سەيفي, تۇركىمەنستاننىڭ توتەنشە جانە وكىلەتتى ەلشىسى ماق­تىمق ۇلى اقمىرادوۆ سەنىم گرامو­تالارىن تاپسىردى. راسىمدە ءسوز العان ن.نازارباەۆ ەلشىلەردى ديپلوماتيالىق قىزمەت­تە­رىنىڭ باستالۋىمەن قۇتتىقتادى جانە ولاردىڭ قىزمەتى ەكىجاقتى قا­رىم-قاتىناستاردى جان-جاقتى كەڭەيتۋگە جانە تەرەڭدەتۋگە, ولار­دىڭ ۇزاق مەرزىمدەگى دامۋىن قام­تا­ماسىز ەتۋگە ايتارلىقتاي ىقپال ەتەتىنىنە سەنىم ءبىلدىردى. مەملەكەت باسشىسى قازاقستان ەلىمىزدىڭ ءىرى ساۋدا سەرىكتەسى بولىپ تابىلاتىن جانە قازاقستاندىق ەكو­نوميكاعا تىكە ينۆەستيتسيا تارتۋ كو­لەمى جاعىنان ءتورتىنشى ورىنعا يە ۇلىبريتانيامەن ىنتىماقتاستىققا ۇلكەن ءمان بەرەتىنىن اتاپ ءوتتى. – لوندونداعى قازاقستاندىق-بري­تانيالىق ساۋدا-ونەركاسىپ كەڭە­سىنىڭ كەلەسى وتىرىسىنىڭ كۇن تار­تى­بىنە ەكىجاقتى بايلانىس­تاردى كەڭەيتۋ جانە تەرەڭدەتۋ جو­نىندەگى ءتيىمدى شارالار ەنگى­زىلۋى قاجەت دەپ ەسەپتەيمىن, – دەدى ن.نازارباەۆ. پرەزيدەنت قازاقستان مەن بەلا­رۋس ىنتىماقتاستىعى جاڭا ساپالى دەڭگەيگە كوتەرىلەتىنىن اتاپ ءوتتى. – ءبىز بۇۇ, ەقىۇ, تمد, ەۋرازەق, ۇقشۇ اياسىندا حالىق­ارا­لىق ارەناداعى ىنتىماقتاس­تىق­تى بەلسەندى جالعاستىرىپ كەلەمىز. ءبىزدىڭ كەدەن وداعىن قۇرۋ بويىنشا بىرلەسكەن جۇمىسىمىزدى ەرەكشە اتاپ وتكىم كەلەدى. بىرىڭعاي ەكو­نو­ميكالىق كەڭىستىكتى قالىپتاستىرۋ جونىندەگى جۇمىستاردى كەلەشەكتە بىرلەسە وتىرىپ بەلسەندىلىكپەن جۇرگىزەمىز دەگەن ۇمىتتەمىن, – دەپ اتاپ ءوتتى مەملەكەت باسشىسى. قازاقستان يرانمەن ءداستۇرلى دوستىق جانە سەرىكتەستىك قارىم-قاتىناستارعا ۇلكەن ءمان بەرەدى. – ءبىز حالىقارالىق ارەنادا, سو­نىڭ ىشىندە يكۇ, شىۇ جانە ەقۇ ءتارىزدى ۇيىمداردىڭ اياسىندا تا­بىستى بايلانىس ورناتىپ وتىرمىز. قازاقستاندا ازياداعى ءوزارا ىق­پالداستىق جانە سەنىم شارالارى جو­نىندەگى كەڭەستى, سونداي-اق الەم­دىك جانە ءداستۇرلى دىندەر كوشباس­شى­لارى سەزىن شاقىرۋ جونىندەگى باس­تامانى تەھراننىڭ قولداۋى جو­عارى باعاعا يە, – دەدى پرەزيدەنت. قازاقستان سونداي-اق تۇركى­مەن­ستانمەن ءوزارا ءتيىمدى ىنتىماق­تاس­تىقتىڭ ودان ءارى دامۋىنا قىزى­عۋشىلىق تانىتادى. – ەكى ەلدىڭ اراسىندا بىرلەسكەن ءىرى جوبالار تابىستى جۇزەگە اسى­رىلۋدا – ءبىز مۇناي-گاز سەكتورىن­دا­عى ىنتىماقتاستىق تۋرالى كەلىس­تىك, ءبىز تۇركىمەنستان ارقىلى يران­عا جول سالۋدامىز – بۇل كو­لىك-ترانزيت كەشەنىن قۇراۋدا ما­ڭىزدى. ساۋدا-ەكونوميكالىق جانە مادەني-گۋمانيتارلىق ىنتىماق­تاس­تىق داميتىن بولادى, – دەپ اتاپ ءوتتى ن.نازارباەۆ. بريفينگتە ءسوز العان دەۆيد دجون موران قازاقستاندا ەلشى بو­لىپ قىزمەت اتقارۋ ءوزى ءۇشىن ۇلكەن قۇرمەت ەكەنىنە توقتالدى. – بريتانيا قازاقستانمەن قا­رىم-قاتىناستاردى دامىتۋعا ۇلكەن ءمان بەرەدى. ەكى ەلدىڭ اراسىندا ساياسي, ىسكەرلىك, ءبىلىم بەرۋ, مادەني جانە اسكەري سالالارداعى ەكىجاقتى بايلانىستار كەڭ اۋقىمدا دامىپ كەلەدى, – دەدى بريتانيالىق ەلشى. بەلارۋس رەسپۋبليكاسىنىڭ ەلشىسى قازاقستاننىڭ تابىستارىنا جوعارى باعا بەردى. – مەنىڭ ەلشى قىزمەتىندەگى جۇمىسىم ءبىزدىڭ ەلدەردىڭ حالقىن ودان ءارى جاقىنداستىرۋعا باعىتتا­لاتىن بولادى دەپ ۇمىتتەنەمىن, – دەدى ۆالەري برىلەۆ. گوربان سەيفي قازاقستان مەن يران ەكىجاقتى فورماتتا, وڭىرلىك ءارى حالىقارالىق ۇيىمدار تۇرىندە ءوزارا قارىم-قاتىناستاردى تابىس­تى جۇرگىزىپ وتىرعانىن اتاپ ءوتتى. – يران مەن قازاقستان ارا­سىن­داعى قارىم-قاتىناستار اناعۇرلىم بەلسەندى دامۋى ءۇشىن ءوز قىزمەتىمدى بەلسەنە اتقارامىن دەپ ويلايمىن, – دەپ اتاپ ءوتتى يران يسلام رەس­پۋبليكاسىنىڭ ەلشىسى. تۇركىمەنستان ەلشىسى قازاقستان مەن تۇركىمەنستان اراسىندا بىردە-ءبىر شە­شىمىن تاپپاعان نەمەسە پروب­لەما­لىق ماسەلە جوق ەكەنىنە نازار اۋداردى.