ءماجىلىس توراعاسى نۇرلان نىعماتۋلين تمد پارلامەنتارالىق اسسامبلەياسى كەڭەسى باس حاتشىسىنىڭ ورىنباسارى, قازاقستان رەسپۋبليكاسى پارلامەنتىنىڭ وكىلەتتى وكىلى اسحات جارىلقاسىن ۇلى نۇسقابايدىڭ مەزگىلسىز قايتىس بولۋىنا بايلانىستى جاقىندارى مەن تۋعان-تۋىستارىنا ورنى تولماس اۋىر قايعىعا ورتاقتاسىپ كوڭىل ايتتى, دەپ جازادى Egemen.kz.
ء«وز اتىمنان جانە ءماجىلىس دەپۋتاتتارىنىڭ اتىنان تمد پارلامەنتارالىق اسسامبلەياسى كەڭەسى باس حاتشىسىنىڭ ورىنباسارى - قازاقستان رەسپۋبليكاسى پارلامەنتىنىڭ وكىلەتتى وكىلى اسحات جارىلقاسىن ۇلى نۇسقابايدىڭ مەزگىلسىز قايتىس بولۋىنا بايلانىستى قايعىرىپ كوڭىل ايتامىز. ديپلوماتيالىق قىزمەتتە مول تاجىريبەسى بار اسحات جارىلقاسىن ۇلى قازاقستان مەن قىرعىزستاننىڭ, قازاقستان مەن رەسەيدىڭ مەملەكەتارالىق قاتىناستارىن نىعايتۋعا زور ۇلەس قوستى. قازاقستان رەسپۋبليكاسى پارلامەنتىنىڭ وكىلەتتى وكىلى - تمد پاا كەڭەسى باس حاتشىسىنىڭ ورىنباسارى لاۋازىمىندا تمد ەلدەرى اراسىنداعى پارلامەنتارالىق ىنتىماقتاستىقتىڭ دامۋىنا ىقپال ەتتى. ەلىمىزدىڭ پاتريوت ازاماتى اسحات جارىلقاسىن ۇلى تۋرالى جارقىن ەستەلىكتەر جاقىندارىنىڭ جۇرەگىندە ماڭگى ساقتالادى», دەدى نۇرلان نىعماتۋلين.
اسحات جارىلقاسىن ۇلى نۇسقاباي قازاقستان رەسپۋبليكاسىنىڭ سىرتقى ىستەر مينيسترلىگى سالاسىندا 1997 جىلدان بەرى جۇمىس ىستەپ كەلەدى.
«I كلاستى كەڭەسشى» ديپلوماتيالىق دارەجەسى بار.
2017 جىلعى قازاندا تمد پارلامەنتارالىق اسسامبلەياسى كەڭەسى باس حاتشىسىنىڭ ورىنباسارى - قازاقستان رەسپۋبليكاسى پارلامەنتىنىڭ وكىلەتتى وكىلى بولىپ تاعايىندالدى.