قازاقستاندىقتار قۇرباندىق شالاتىن ارنايى مەكەمەلەرگە «اshyq» ءموبيلدى قوسىمشاسى ارقىلى كىرۋى ءتيىس. بۇنى قمدب توراعاسىنىڭ ورىنباسارى, نايب ءمۇفتي ەرشات وڭعار مالىمدەدى, دەپ حابارلايدى Egemen.kz.
«سارى» جانە «جاسىل» ايماقتاعى قۇرباندىق شالاتىن ارنايى ورىنداردا ازاماتتاردىڭ دەنساۋلىعىنا قاۋىپ توندىرمەۋ ماقساتىندا «اshyq» ءموبيلدى قوسىمشاسى ىسكە قوسىلادى.
«قۇرباندىق شالۋ ورىندارىنا «قىزىل» جانە «سارى» مارتەبەسى بار ازاماتتار جىبەرىلمەيدى, تەك «كوك», «جاسىل» مارتەبەسى بار ازاماتتار عانا جىبەرىلەدى», دەدى ەرشات وڭعار.
نۇر-سۇلتان, الماتى جانە شىمكەنت قالالارى, وبلىستاردىڭ اكىمدىكتەرى ىشكى ىستەر, دەنساۋلىق ساقتاۋ مينيسترلىكتەرى قمدب-مەن بىرلەسىپ, ەلىمىزدىڭ وڭىرلەرىندە «اshyq» ءموبيلدى قوسىمشاسى اياسىندا قوعامدىق قاۋىپسىزدىكتى قامتاماسىز ەتەدى.
«قاساپحاناعا ماسكا تاعىپ, اراقاشىقتىق ساقتاپ, دەنە قىزۋى بار ادامداردىڭ جاقىنداۋىنا جول بەرمەۋگە ءتيىسپىز. جاسى 65-تەن اسقان قاريالار, ايەلدەر مەن بالالاردىڭ بارىنشا قۇربان شالاتىن ورىندارعا بارۋىن شەكتەۋگە شاقىرامىز. قازىرگى ۋاقىتتا قاساپحاناعا قويىلاتىن ءتارتىپ جوعارى. ونى ۇدايى باقىلاپ, كەلۋشىلەرمەن اراداعى بايلانىسقا ءجىتى ءمان بەرۋىمىز كەرەك. ەڭ باستىسى مالدى شاريعات تالاپتارىنا سايكەس باۋىزداپ, سويىلۋىن قاتاڭ قاداعالاۋ قاجەت», دەپ ءتۇسىندىردى ەرشات وڭعار.
ەسكە سالساق, 2021 جىلى قۇربان شالۋ ءراسىمى ەكى جولمەن جۇزەگە اسىرىلادى. «سارى» جانە «جاسىل» ايماقتاردا ونلاين جانە وفلاين فورماتتا وتسە, «قىزىل» ايماقتاردا پاندەميا جاعدايىندا شاريعاتتاعى «وكىلدىك» قاعيداسىنا سايكەس, qurban2021.kz سايتى ارقىلى تەك ونلاين رەجيمدە قۇربان شالىنادى.