سانا سىنى – الەمدىك باسەكە

ءومىردىڭ ەڭ كورنەكتى قۇبىلىسى – وزگەرىس. ءباسپاسوز قىزمەتكەرلەرى سول وزگەرىستەردىڭ نە ەڭ الدىڭعى لەگىندە نەمەسە قايناعان ورتاسىندا جۇرەدى. ولاردىڭ نەگىزگى دەنى ادىلدىكتى, ادالدىقتى, شىندىقتى قورعايدى, سول ءۇشىن كۇرەسەدى.

مەملەكەتتىك تاۋەلسىزدىگىمىزدىڭ 30 جىلىندا ءبىز, ءبىزدىڭ ۇلتىمىز بۇرىن-سوڭدى تاريحىمىزدا بولماعان وراسان وزگەرىستەردى باسىمىزدان وتكىزدىك. وتانشىل, ۇلتشىل ءسوز جاڭا داۋىردەگى جاڭا قازاقستاننىڭ ۇيىتقىسى بولا الدى دەسەك, سونىڭ سايىپقىران ساردارلارى – ەلىمىزدىڭ جۋرناليس­تەر قوعامى. ەركىن وي مەن ەركىن ءسوز كونستي­تۋتسيامىزدا كورسەتىلگەن ەڭ باس­تى قۇندىلىقتارىمىزدىڭ ءبىرى – رۋح بوس­تاندىعىنىڭ كورسەتكىشى. ەركىندىك – بەي­پىلدىك ەمەس, كەرىسىنشە, ءسوز جاۋاپكەرشىلىگى مەن جوعارى مادەنيەتتىلىگى.

قازىرگى ينتەرنەت پەن تەحنولوگيانىڭ دامىعان زامانىندا «اقپاراتتىق سوعىس» تا قاتارلاسا كەلىپ, ۇلتتىق قۇن­دى­لىق­تارىمىزدىڭ ءتۇپ-تامىرىنا ءتىس باتىرىپ جاتقانى بەلگىلى. مۇنداي قاۋىپ-قاتەرگە ءبىز «وت باسى, وشاق قاسى» تۇيتكىلدەرىنەن گورى, اسىرەسە جاس ۇرپاقتى ۇلتتىق بىر­لىك پەن الەمدىك دارەجەدە ارىپتەستىك قا­تى­ناس قالىپتاستىرۋعا قابىلەتتى ءبىلىم مەن بىلىكتىلىكتى, ۇلت­تىق ىرىلىك پەن تۇتاستى­عى­مىزدى قار­سى قويا الساق قانا كوزدەگەن ماق­سات-مۇ­رات­تارىمىزعا قول جەتكىزە الامىز.

قالامگەر ارىپتەستەرىمىزدى كاسىبي مەرەكەسىمەن قۇتتىقتاي وتىرىپ, ۇلتتىق رۋحى­مىزدىڭ, دۇنيەتانىمىمىزدىڭ الەم­­دىك باسەكەگە لايىق بولۋى جولىندا ايان­باي ەڭبەك ەتە بەرۋگە تىلەكتەستىگىمدى بىل­دىرەمىن.

قۋانىش سۇلتانوۆ,

قازاقستان رەسپۋبليكاسىنىڭ

1991-1995 جىلدارداعى تۇڭعىش ءباسپاسوز جانە بۇقارالىق

اقپارات ءمينيسترى,

قازاقستان رەسپۋبليكاسىنىڭ ەڭبەك سىڭىرگەن قايراتكەرى