بۇگىن قاتاردىڭ باس شاھارى دوحادا سپورتتىق گيمناستيكادان ليتسەنزيالىق الەم كۋبوگى كەزەڭى باستالادى. وليمپيا ويىندارىنا سوڭعى ليتسەنزيالىق تۋرنيردە قازاقستاندىق سپورتشىلار دا سىنعا تۇسەدى.
ۇلتتىق وليمپيادا كوميتەتىنىڭ حابارلاۋىنشا, بۇل باسەكەگە قازاقستان قۇراماسىن توكيو وليمپياداسىنا جولداما العان ميلاد كاريمي باستاپ بارادى. ول كوپسايىس بويىنشا جۇلدەگە تالاسادى. ناريمان قۇربانوۆ گيمناستيكالىق ات سناريادىندا وليمپيادا جولداماسىن الۋ ءۇشىن بارىن سالماق. ال ءىلياس ازيزوۆ ەركىن جاتتىعۋدان باق سىنايدى.
ايتا كەتەيىك, جۋىردا عانا حورۆاتيادا وتكەن الەم كۋبوگىندا ميلاد كاريمي ءبىر التىن, ءبىر كۇمىس, ءبىر قولا يەلەنسە, ناريمان قۇربانوۆ كۇمىس جۇلدەگەر اتانعان بولاتىن.