بۇگىن ساعات 05.00-دە ورال ستانساسىنداعى جەلىلىك پوليتسيا بولىمىنە قازاقستان ستانتسياسىندا ەر ادامدى جۇك پويىزىنىڭ قاعىپ كەتكەنى جونىندە حابار تۇسكەن, دەپ حابارلايدى Egemen.kz.
«تەمىر جول بويىندا جاراقات العان ەر ادام اۋرۋحاناعا جەتكىزىلدى. اتالعان دەرەك قر قىلمىستىق كودەكسى 344-بابى 1-بولىگى, ياعني تەمىرجول كولىگى ءجۇرىسى نەمەسە ونى پايدالانۋ قاۋىپسىزدىگى قاعيدالارىن بۇزۋ بويىنشا ورال ستانتسياسى جەلىلىك پوليتسيا ءبولىمىنىڭ سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلدى. قازىرگى ۋاقىتتا تەرگەۋ جۇرگىزىلۋدە. قر قىلمىستىق ءىس جۇرگىزۋ كودەكسىنىڭ 201-بابى تالاپتارىنا سايكەس تەرگەۋ مۇددەسىنە وراي باسقا اقپارات جاريا ەتىلمەيدى», دەپ حابارلادى ۆەدومستۆو وكىلى.