نۇر-سۇلتاندا «اۆياتورلار اللەياسى» اشىلدى

«نۇرسۇلتان نازارباەۆ حالىقارالىق اۋەجايىنا NQZ كودى بەرىلگەنىنە تۋرا ءبىر جىل تولدى. بۇل كود ءبىزدىڭ جولاۋشىلاردىڭ ومىرىنە بەرىك ەنىپ, بارلىق برونداۋ جۇيەسىندە, وتىرعىزۋ تالوندارىندا, باگاج بيركالارىندا جانە اقپاراتتىق تابلودا كورسەتىلەدى», دەلىنگەن ۆەدومستۆونىڭ حابارلاماسىندا.

«اۆياتورلار اللەياسىنىڭ» اشىلۋىنا قر يدم ازاماتتىق اۆياتسيا كوميتەتىنىڭ توراعاسى, نۇر-سۇلتان قالاسى اۋەجايىنىڭ باسشىلىعى, ازاماتتىق اۆياتسيا ارداگەرلەرى, وتاندىق جانە شەتەلدىك اۋە كومپانيالاردىڭ وكىلدەرى قاتىستى.

ايتا كەتەيىك, 2014 جىلدان باستاپ قازاقستان حالىقارالىق اۋە كولىگى قاۋىمداستىعى (IATA) تاعايىنداعان نۇر-سۇلتان اۋەجايىنىڭ ءۇش ارىپتىك كودىن وزگەرتۋ بويىنشا بەلسەندى جۇمىس جۇرگىزدى.

بۇكىل الەم بويىنشا اۋەجايلارعا ءبىر رەت جانە تۇراقتى نەگىزدە كود بەرۋ جونىندەگى IATA قاعيدالارىنا قاراماستان, قازاقستاندىق تاراپ بۇل باعىتتا وڭ ناتيجەلەرگە قول جەتكىزدى.

IATA وكىلدەرىمەن بىرلەسىپ اۋەجايلاردىڭ كودتارىن تاعايىنداۋ جانە وزگەرتۋ بويىنشا IATA تاسىلدەرىنە وزگەرىس ەنگىزۋ تۋرالى شەشىم قابىلداندى.

بۇل وزگەرىستەر 2019 جىلدىڭ 14 قازانىندا ۆارشاۆا قالاسىندا (پولشا) IATA-نىڭ بارلىق مۇشەلەرىنىڭ قاتىسۋىمەن جولاۋشىلار تاسىمالى ستاندارتتارى (Passenger Standards Meeting) كەزدەسۋىندە قولداۋ تاپتى.