قازاقستاندىق جەڭىل اتلەت ماريا وۆچيننيكوۆا توكيودا جالاۋى جەلبىرەيتىن جازعى وليمپيا ويىندارىنا جولداما جەڭىپ الدى.
قازاقستان جەڭىل اتلەتيكا فەدەراتسياسىنىڭ مالىمەتى بويىنشا, ماريا وۆچيننيكوۆا الماتىدا ءوتىپ جاتقان ەل چەمپيوناتىندا ءۇش قارعىپ سەكىرۋ جارىسى بويىنشا وليمپيادا ءنورماتيۆىن ورىنداپ, ەل قورجىنىنا كەزەكتى ليتسەنزيانى سالدى. وۆچيننيكوۆا الماتىداعى ىشكى چەمپيوناتتا 14.34 مەتر ناتيجە كورسەتتى. بۇل – جەڭىل اتلەتتەردىڭ بەسىنشى ليتسەنزياسى. بۇگىنگە دەيىن قازاقستاندىق جەڭىل اتلەتيكا وكىلدەرىنەن ولگا رىپاكوۆا ء(ۇش قارعىپ سەكىرۋ), گەورگي شەيكو, ايمان راتوۆا (سپورتتىق ءجۇرىس) جانە جاننا ماماجانوۆا (مارافون) وليمپيادا جولداماسىن يەلەنگەن بولاتىن.
ال ازىرشە ەل قورجىنىندا سپورتتىڭ 30 تۇرىنەن 63 جولداما بار.