پەندجابتىڭ شىعىس پروۆينتسياسىندا تولاسسىز جاۋعان جاڭبىر سالدارىنان 10 پاكىستاندىق قازا تاۋىپ, ءۇش ادام جاراقات الدى. بۇل تۋرالى سەيسەنبىدە جەرگىلىكتى باق-قا سىلتەمە جاساي وتىرىپ, سينحۋا اگەنتتىگى حابارلادى, دەپ جازادى Egemen.kz.
اگەنتتىكتىڭ حابارلاۋىنشا, نايزاعاي كەزىندە پەندجابتاعى وكارا قالاسىندا شاتىر قۇلاپ, ناتيجەسىندە سەگىز ادام, ونىڭ ىشىندە ءتورت بالا قازا تاۋىپ, ۇشەۋى جاراقات العان.
سونداي-اق پروۆينتسيانىڭ باسقا بولىگىندە قۇلاعان ءۇيدىڭ استىنادا قالىپ, ءبىر ادام قازا تاپتى دەپ حابارلاندى. تاعى ءبىر ادام نايزاعايدىڭ قۇربانى بولعان.
دۇيسەنبىدە پاكىستاننىڭ مەتەورولوگيالىق دەپارتامەنتى ەلدىڭ ءار تۇكپىرىندە نايزاعاي ويناپ, قاتتى جەل سوعاتىنى جايىندا حابارلاعان.