قازاقستاندىق مۋزىكانت يمانبەك زەيكەنوۆ (Imanbek) رەسەيدە 30 جاسقا دەيىنگى تابىستى مۋزىكانتتار رەيتينگىندە كوش باستادى, دەپ حابارلايدى Egemen.kz.
يمانبەكتىڭ Forbes رەيتينگىسىندە مۋزىكا نوميناتسياسى بويىنشا جەڭىمپاز اتانعانى تۋرالى اتالعان باسىلىمنىڭ سايتىندا كورسەتىلگەن.
رەسەيلىك باسىلىم جۇرگىزگەن رەيتينگتە يمانبەكتەن بولەك, ۆياچەسلاۆ مارلوۆ (Slava Marlow), يليا گاداەۆ, اننا رومانوۆسكايا (Cream Soda) سەكىلدى مۋزىكانتتار دا بار.
جالپى Forbes-تىڭ «30 جاسقا دەيىنگى ەڭ تابىستى 30 رەسەيلىك» رەيتينگى 10 اتالىمنان تۇرادى. ونىڭ قاتارىندا كاسىپكەرلىك, قارجى جانە ينۆەستيتسيا, عىلىم جانە تەحنولوگيا, باسقارۋ, سپورت جانە كيبەرسپورت, الەۋمەتتىك پراكتيكتەر, جاڭا مەديا, مۋزىكا, ونەر جانە مودا مەن ديزاين اتالىمى بار.
ەسكە سالا كەتەيىك, ساناۋلى كۇن بۇرىن يمانبەك زەيكەنوۆ اقش-تاعى الەمدىك دەڭگەيدەگى Billboard Music Awards سىيلىعىنىڭ يەگەرى اتاندى.
ودان بولەك, قازاقستاندىق مۋزىكانت بيىلعى جىلدىڭ ناۋرىز ايىندا مۋزىكا سالاسىندا ەڭ بەدەلدى Grammy سىيلىعىن جەڭىپ العان بولاتىن.