الماتىدا بيولوگيالىق قاۋىپسىزدىك ماسەلەلەرى بويىنشا كەزەكتى قازاقستاندىق-رەسەيلىك ۆەدومستۆوارالىق كونسۋلتاتسيالار ءوتتى, دەپ حابارلايدى Egemen.kz.
ءىس-شارا اياسىندا تاراپتار ەۋرازيالىق كەڭىستىكتەگى بيولوگيالىق قاۋىپسىزدىكتى قامتاماسىز ەتۋ سالاسىنداعى ىستەردىڭ جاعدايى تۋرالى مازمۇندى پىكىر الماستى.
تالقىلاۋ بارىسىندا جۇقپالى اۋرۋلاردىڭ الدىن الۋ جانە بيولوگيالىق قاۋىپتەرگە بىرلەسىپ قارسى تۇرۋ بويىنشا ىنتىماقتاستىق ماسەلەلەرى تالقىلاندى.
دەلەگاتسيالار اتالعان ماسەلەلەر بويىنشا شارت-قۇقىقتىق بازانى كەڭەيتۋگە مۇددەلىلىگىن راستاپ, بيولوگيالىق قاۋىپسىزدىك سالاسىنداعى ىنتىماقتاستىق تۋرالى ەكى جاقتى مەموراندۋم جوباسىن كەلىسۋدە ايتارلىقتاي پروگرەسس بار ەكەنىن اتاپ ءوتتى.
رەسەيلىك ماماندار قازاقستان رەسپۋبليكاسى دەنساۋلىق ساقتاۋ مينيسترلىگىنىڭ «ماسعۇت ايقىمباەۆ اتىنداعى اسا قاۋىپتى ينفەكتسيالار ۇلتتىق عىلىمي ورتالىعىنىڭ» نىساندىرىن, ونىڭ ىشىندە ورتالىق رەفەرەنتتىك زەرتحانانى دا كەزەكتى رەت قايتا ارالادى.
كونسۋلتاتسيالاردىڭ كەزەكتى راۋندىنىڭ قورىتىندىسى بويىنشا تاراپتار جالپى كۇن ءتارتىبىنىڭ بارلىق تارماقتارى بويىنشا ءوزارا ءىس-قيمىلدى جالعاستىرۋعا كەلىستى.