يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن تولەگەن تۇرسىن ۇلى ابدۋللين قر يدم اۆتوموبيل جولدارى كوميتەتىنىڭ توراعاسى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلادى, دەپ جازادى Egemen.kz.
تولەگەن ابدۋللين 1982 جىلى پاۆلودار قالاسىندا دۇنيەگە كەلگەن. د. سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىن, «قارجى اكادەمياسى» اق تامامداعان.
ماماندىعى بويىنشا بىلىكتىلىگى: ينجەنەر-قۇرىلىسشى, ەكونوميكا جانە بيزنەس ماگيسترى.
ەڭبەك جولىن 2004 جىلى «قازاقاۆتوجول» رمك پاۆلودار وبلىستىق فيليالىنىڭ دەۋ-62 اۆتوجول كوپىرىنىڭ شەبەرى لاۋازىمىنان باستادى.
2005-2011 جىلدارى «قازاقاۆتوجول» رمك پاۆلودار فيليالىندا ءتۇرلى لاۋازىمداردى اتقارعان.
2011-2014 جىلدارى — «قازاقاۆتوجول» رمك مەملەكەتتىك ساتىپ الۋ ءبولىمىنىڭ باسشىسى, اقمولا وبلىستىق فيليالىنىڭ ديرەكتورى.
2014-2019 جىلدارى استانا قالاسىندا «قازاۆتوجول» ۇك» اق باسشىلىق قىزمەتتەرىن اتقاردى.
2019 جىلدىڭ اقپانىنان جەلتوقسانىنا دەيىن — كوكشەتاۋ قالاسى, «قازاۆتوجول» ۇك اق اقمولا وبلىستىق فيليالى ديرەكتورىنىڭ م. ا., ديرەكتورى.
2019-2021 جىلدارى — قر يدم اۆتوموبيل جولدارى كوميتەتىنىڭ توراعاسى ورىنباسارىنىڭ م. ا., ورىنباسارى.
2021 جىلعى قاڭتاردان باستاپ قازىرگە دەيىن قر يدم اۆتوموبيل جولدارى كوميتەتى توراعاسىنىڭ ورىنباسارى بولىپ جۇمىس ىستەدى.