الماتى قالاسىندا جولدان ءوتىپ بارا جاتقان قىزدى اۆتوبۋس باسىپ كەتتى. وقىس وقيعا 5 مامىر ساعات 11:40 شاماسىندا ناۋاي كوشەسى بويىندا بولعان, دەپ حابارلايدى Egemen.kz.
«Zhontong اۆتوبۋسىنىڭ جۇرگىزۋشىسى ناۋاي كوشەسىمەن سولتۇستىك باعىتتا كەلە جاتىپ, جاياۋ جۇرگىنشىنى قاعىپ كەتتى. جول-كولىك وقيعاسى سالدارىنان زارداپ شەككەن جاياۋ جۇرگىنشى №7 قالالىق كلينيكالىق اۋرۋحاناعا جەتكىزىلدى», دەدى الماتى قالاسى پد انىقتاۋ ءبولىمىنىڭ باستىعى, پوليتسيا مايورى ولجاس ءشارىپوۆ.
اتالعان دەرەككە قاتىستى قر قىلمىستىق كودەكسىنىڭ 345-بابى, 2-ءبولىمى بويىنشا سوتقا دەيىنگى تەرگەۋ باستالدى.