2001 جىلى قازاقستان تاۋەلسىزدىگىنىڭ 10 جىلدىعى تاقىرىبىنا شىعارما جازعانىم ەسىمدە. وندا مەكتەپ تۇلەگىنىڭ قاراپايىم عانا ارمانى باياندالعان ەدى. ادامدار ءبىر-بىرىنە قۇرمەتپەن قارايتىن, بەيبىتشىلىك سالتانات قۇرعان قۋاتتى ءارى ۇلكەن مەملەكەتتە ءومىر ءسۇرۋ جايلى ويىمدى قاعازعا تۇسىرگەنمىن.
ال ەلباسى نۇرسۇلتان نازارباەۆ قازاقستان ەلورداسى ەلىمىزدىڭ تۇكپىر-تۇكپىرىنەن جانە الەمنەن ادامدار ءۇشىن تارتىلىس نۇكتەسى بولۋىن جانە قازاقستان حالقىنىڭ جىل سايىن ءوسۋىن ارمانداعان ەكەن. مەن دە وسى باعىتتاعى ۇردىستەن تىس قالماي, ءوزىمنىڭ «شاعىن اسسامبلەيامدى» قۇردىم.
گرۋزين ەتنوسىنىڭ وكىلى بولىپ سانالاتىن ءوزىمنىڭ ومىرلىك سەرىگىمدى جەتى جىل بۇرىن كيەۆ اۋەجايىندا كەزدەستىرگەن ەدىم. كوپ كەشىكتىرمەي, ونى قازاقستانعا الىپ كەلدىم. سول ساتكە دەيىن ول قازاقستان جايىندا كوپ بىلە بەرمەيتىن. ال قازىر ءبىزدىڭ ءۇش بالامىز بار. نينو قازاقستاندى بىردەن ۇناتتى, قازاقتىڭ ۇلتتىق تاعامدارىن جاقسى كورەدى.
2012 جىلى ەلباسى ەتنومادەني بىرلەستىكتەردىڭ قازاقستانعا ينۆەستيتسيا تارتۋى كەرەك ەكەنىن تاپسىرعان بولاتىن. ال قازىرگى تاڭدا قازاقستان نەمىستەرى 20-دان استام يننوۆاتسيالىق تەحنولوگيانى الىپ كەلىپ, ولار اۋىل شارۋاشىلىعىندا, قۇس وسىرۋدە, ەت پەن ءسۇت وڭدەۋدە تابىستى ىسكە اسىرىلىپ جاتىر.
ەلباسى ۇنەمى ەتنومادەني بىرلەستىكتەر ەلدەر اراسىنداعى دوستىقتىڭ كوپىرى بولۋى كەرەكتىگىن ايتىپ كەلەدى. ول ءۇشىن جاقىن ارادا جاڭادان قازاق-نەمىس ورتالىعى اشىلادى.
اسسامبلەيا – مەملەكەتتىڭ سەنىمدى تىرەگى, ال قازاقستان نەمىستەرى ەلىمىزدىڭ ناعىز پاتريوتتارى ەكەنىن سەنىممەن ايتا الامىن. ويتكەنى وتانى ءبىردىڭ – جۇرەگى ءبىر, جۇرەگى ءبىردىڭ – تىلەگى ءبىر!
ەۆگەني بولگەرت,
قازاقستان نەمىستەرى «ۆوزروجدەنيە» بىرلەستىگىنىڭ قامقورشىلىق كەڭەسى توراعاسىنىڭ ورىنباسارى