بۇل تۋرالى قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ توراعاسى انار جايلعانوۆا ءوزىنىڭ «Twitter» الەۋمەتتىك جەلىسىندەگى پاراقشاسىندا حابارلادى, دەپ جازادى Egemen.kz.
«قازاقستان 2020 جىلى «ەلەكتروندىق ۇكىمەتتى» دامىتۋ كورسەتكىشتەرى بويىنشا بۇۇ رەيتينگىندە (UN Global E-Government Development Index) 193 ەلدىڭ ىشىندە 29 - ورىندى, ال تمد ەلدەرى اراسىنداعى رەيتينگتە 1-ورىندى يەلەندى» دەپ جازدى انار جايلعانوۆا.
سونداي-اق, اگەنتتىك توراعاسى قازىرگى ۋاقىتتا مەملەكەتتىك قىزمەتتەر تىزىمىندە 686 قىزمەتتىڭ 94,4% -ى (648) ەلەكتروندىق فورماتقا كوشىرىلگەنى تۋرالى ايتتى.